ଭଞ୍ଜନଗର, ୧୬।୪ : ସେତୁ ନିର୍ମାଣ ସ୍ଥଳରେ ପଥର ବିସ୍ଫୋରଣ ଘଟି ଶ୍ରମିକଙ୍କ ମୃତ୍ୟୁ। ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଜାଲଖାଇ ନିକଟରେ ଏହି ଦୁର୍ଘଟଣା ଘଟିଛି। ମୃତକ ଜଣକ ଆନ୍ଧ୍ରପ୍ରଦେଶ ରାଜ୍ୟ ଆମ୍ବେଦକର କନସିମା ଜିଲ୍ଲା ଅଧିନ ଚଲାବେରୁ ଡି.ଚିନ୍ନା ନାରାୟଣ ମୃର୍ତ୍ତି ।
ଗାଙ୍ଗପୁର ଥାନା ଜାଲଖାଇ ନିକଟ ବଡନଦୀ ଉପରେ ସେତୁ ନିର୍ମାଣ କରାଯାଉଛି। ଚିନ୍ନା ନାରାୟଣ କିଛି ଦିନ ଧରି ଶ୍ରମିକ ଭାବରେ ଏଠାରେ କାମ କରୁଥିଲେ। ବୁଧବାର ସେତୁର କଲମ ଖୋଳା ବେଳେ ପଥର ବିସ୍ଫୋରଣ ଘଟି ଚିନ୍ନାଙ୍କ ମୃତ୍ୟୁ ଘଟିଥିଲା। ପୋଲିସ ପହଞ୍ଚି ମୃତଦେହ ଜବତ କରିବା ସହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ଏହି ଘଟଣାରେ ପୋଲିସ ଜଣଙ୍କୁ ଗିରଫ କରିବା ସହ ବିପୁଳ ବିସ୍ଫୋରଣ ସାମଗ୍ରୀ ଜବତ କରିଛି।
