ଭାପୁର, ୩୧/୧୦: ଫତେଗଡ ଥାନା ଅଞ୍ଚଳରୁ ଗଞ୍ଜେଇ ଓ ଗୋଟିଏ କାର ଜବତ ହୋଇଥିବାବେଳେ  ଦୁଇ ଜଣ ଯୁବକ ଗିରଫ ହୋଇଥିବା ଜଣାପଡ଼ିଛି । ପ୍ରକାଶ ଯେ, ଫତେଗଡ ଥାନାଧିକାରୀ ପଞ୍ଚାନନ ପରିଡାଙ୍କ ନିର୍ଦ୍ଦେଶରେ ଏସଆଇ ଅଶୋକ ମଲ୍ଲିକ ଓ ପୁଲିସ କର୍ମଚାରୀ ପଥରଚକଡା ପଞ୍ଚାୟତ ମାଧପୁର ଛକରେ ଗାଡ଼ି ଚେକି° କରୁଥିଲେ । ଏହି ସମୟରେ କଣ୍ଟିଲୋ ପଟୁ ଏକ କାର ନଂ ଓଡି ୦୨ ସିଏକ୍ସ ୯୦୫୩ ଦ୍ରୃତଗତିରେ ଆସିଥିଲା । ଗାଡ଼ି ଉପରେ ସନ୍ଦେହ ହେବାରୁ ଗାଡ଼ି ଚେକି° ସମୟରେ ଗାଡ଼ି ଦ୍ରୃତଗତିରେ ଘଟଣାସ୍ଥଳରୁ ଯିବାବେଳେ ପୋଲିସ ପିଛା କରି ଗାଡିକୁ ଜବତ କରିଥିଲେ।ଗାଡ଼ି ଭିତରୁ ଗଞ୍ଜେଇ ଥିବା ଜାଣିବାକୁ ପାଇଥିଲେ।

ଗଞ୍ଜେଇ ସହ କାର ଓ ମୋବାଇଲ ଜବତ କରିବା ସହ ଦୁଇ ଜଣ ଯୁବକଙ୍କୁ ଅଟକ ରଖିଥିଲେ। ମାଜିଷ୍ଟ୍ରେଟ ତହସିଲଦାର ଅର୍ଜୁନ ପ୍ରଧାନଙ୍କ ଉପସ୍ଥିତରେ ଗଞ୍ଜେଇ ଓଜନ ହୋଇଥିବାବେଳେ ଫତେଗଡ ଥାନାଧିକାରୀ କେସ ନଂ ୨୮୦ ମାମଲା ରୁଜୁ କରି ଫତେଗଡ ଥାନା ଅନ୍ତର୍ଗତ ଲକ୍ଷ୍ମୀପ୍ରସାଦ ଗ୍ରାମର ଭଗବାନ ସାହୁଙ୍କ ପୁଅ ସୁଶାନ୍ତ ସାହୁ (୪୩) ଓ ଖଣ୍ଡପଡ଼ା ଥାନା ଅନ୍ତର୍ଗତ କଣ୍ଟିଲୋ ବାପୁଜୀ ନଗର ଗ୍ରାମର ଭୋଳଶ୍ୱର ପାତ୍ରଙ୍କ ପୁଅ ବିକାଶ ଚନ୍ଦ୍ର ପାତ୍ରଙ୍କୁ ଗିରଫ କରି ଆଜି ଅପରାହ୍ନରେ କୋର୍ଟ ଚାଲାଣ କରିଥିବା ଥାନାଧିକାରୀ ଶ୍ରୀ ପରିଡାଙ୍କ ଠାରୁ ସୂଚନା ମିଳିଛି।