ବାଲିଗୁଡ଼ା, ୩୧/୧୦ : ନଦୀ ପାର ହେବା ସମୟରେ ଆଇ ସହ ଭାସିଗଲେ ୨ ନାତି। ବାଲିଗୁଡା ଥାନା ବୁଡ଼ରୁକିଆ ପଞ୍ଚାୟତର ଦମଦେଇନାଳ ନଦୀ ପାରି ହୋଇ ଘରକୁ ଫେରୁଥିବା ସମୟରେ ଏଭଳି ଅଭାବନୀୟ ଘଟଣା ଘଟିଛି। ଆଉ ଓ ଜଣେ ନାତି ଉଦ୍ଧାର ହୋଇଥିବା ବେଳେ ଅନ୍ୟ ଜଣେ ନାତିଙ୍କ ମୃତ୍ୟୁ ହୋଇଛି।

ସୂଚନାନୁଯାୟୀ, ବୁଡ଼ରୁକିଆ ପଞ୍ଚାୟତର ରଶ୍ମିତା ମଲିକ ଦମଦେଇନାଳ ନଦୀ ଆରପଟେ ଥିବା ଧାନ କ୍ଷେତ କାମ ସାରି ୨ ନାତିଙ୍କ ସହ ନଦୀ ପାର ହେଉଥିଲେ। ଏହି ସମୟରେ ଉପରମୁଣ୍ଡରୁ ହଠାତ୍ ବଢି ପାଣି ମାଡି ଆସିବାରୁ ଆଇଙ୍କ ସହ ୨ ନାତି ଭାସି ଯାଇଥିଲେ। ସ୍ଥାନୀୟ ଜେସିବି ଡ୍ରାଇଭରଙ୍କ ଦ୍ୱାରା ଆଇ ଓ ଜଣେ ନାତି ଉଦ୍ଧାର ହୋଇଥିଲେ। କିନ୍ତୁ ଅନ୍ୟ ଜଣେ ୬ ବର୍ଷର ନାତି ମସ୍ତକ ପ୍ରଧାନ ନିଖୋଜ ହୋଇଯାଇ ଥିଲେ। ଖବର ପାଇ ବାଲିଗୁଡା ଅଗ୍ନିଶମ ବାହିନୀ ପହଞ୍ଚି ନଦୀରେ ଖୋଜାଖୋଜି କରିବା ପରେ ମୃତଦେହ ଉଦ୍ଧାର କରିଛି।