ବାଙ୍ଗିରିପୋଷି,୩୧/୧୦: ଦୀପାବଳୀ ପାଇଁ ସମଗ୍ର ଅଞ୍ଚଳ ଉତ୍ସଵ ମୁଖର ଥିବା ବେଳେ ବାଙ୍ଗିରିପୋଷିରେ ଘଟିଛି ଅଘଟଣ । ବାଣ ଫୁଟାଉଥିବ ବେଳେ ବିସ୍ଫୋରଣ ଘଟି ଯୁବକ ଗୁରୁତର ହୋଇଛନ୍ତି । ଯୁବକ ଜଣକ ହେଉଛନ୍ତି ବାଙ୍ଗିରିପୋଷି ଥାନା ଅନ୍ତର୍ଗତ ଦିଘି ଗ୍ରାମ ପଞ୍ଚାୟତ ତାଳଟିକିରି ଗ୍ରାମର ପ୍ରଦୀପ ନାଏକ(୨୬) । ଦୀପାବଳୀ ସନ୍ଧ୍ୟାରେ ବାଣ ଫୁଟାଇବା ସମୟରେ ବାଣ ଯୁବକର ମୁହଁ ନିକଟରେ ଫୁଟି ଯାଇଥିଲା। ଫଳରେ ତାଙ୍କର ଡାହାଣ ଆଖିରେ ଗଭୀର କ୍ଷତ ସୃଷ୍ଟି ହୋଇଥିଲା । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ପ୍ରଥମେ ବାଙ୍ଗିରିପୋଷି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ଅବସ୍ଥା ଅଧିକ ଗୁରୁତର ଥିବାରୁ ପ୍ରଥମିକ ଚିକିତ୍ସା ପରେ ବାରିପଦା ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରଯାଇଛି।