ପ୍ରମୂଖ ଖବର
  • ପୁରୀ : ବାଲୁକା ଆନିମେସନରେ ପଦ୍ମଶ୍ରୀ ମନୋଜ କୁମାରଙ୍କୁ ଶ୍ରଦ୍ଧାଞ୍ଜଳି ଦେଲେ ମାନସ ସାହୁ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ଶ୍ରୀରାମ ଜନ୍ମ ନୀତି, ରବିବାର ୫ ଘଣ୍ଟା ବନ୍ଦ ରହିବ ସର୍ବସାଧାରଣ ଦର୍ଶନ
  • ||
  • ପଞ୍ଚଭୂତରେ ଲୀନ ମନୋଜ କୁମାରଙ୍କ ପାର୍ଥିବ ଶରୀର, ଲୁହ ଭିଜା ଆଖିରେ ବିଦାୟ ଦେଲା ବଲିଉଡ଼
  • ||
  • ନାରାୟଣପୁର ଜଙ୍ଗଲରେ ଲ୍ୟାଣ୍ଡମାଇନ ବିସ୍ଫୋରଣ: ଜଣେ ମୃତ, ଜଣେ ଆହତ
  • ||
  • IPL 2025: ଆଜି ରାଜସ୍ଥାନ ରୟାଲ୍ସକୁ ଭେଟିବ ପଞ୍ଜାବ କିଙ୍ଗ୍‌ସ, ସାମ୍ନା ସାମ୍ନି ହେବେ ଶ୍ରେୟାସ- ସାମସନ
  • ||
  • ମାଲକାନଗିରି : ସୁକୁମାରେ ଲାଲ୍‌ ବାହିନୀକୁ ମିଳିଲା ବଡ଼ ସଫଳତା, ୪ ହାର୍ଡକାେର୍‌ ମାଓବାଦୀଙ୍କ ଆତ୍ମସମର୍ପଣ
  • ||
  • ଭଦ୍ରକ : ଟ୍ରକ୍‌ ପଛରେ ପିଟିହେଲା ବାଇକ୍‌: ଜଣେ ମୃତ, ଜଣେ ଗୁରୁତର
  • ||
  • ବାଲେଶ୍ୱର : ଶ୍ରୀଜଙ୍ଗ ଗୋପାଳପୁର ରୋଡ୍‌ରେ ଗୁଣ୍ଡାରାଜ୍, ଖଣ୍ଡାରେ ହାଣି ବାଇକ୍‌ ସହ ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ଚଣ୍ଡିଖୋଲ : ଲୁଟ୍‌ ପାଇଁ ଆସି ମାଆଙ୍କୁ ହତ୍ୟା କଲେ ଦୁର୍ବୃତ୍ତ, ଝିଅ ଗୁରୁତର
  • ||
  • ଶନିବାର ପବିତ୍ର ଅଶୋକାଷ୍ଟମୀ, ରଥାରୂଢ଼ ହେବେ ଶ୍ରୀଲିଙ୍ଗରାଜ,ସାଢେ ୩ଟାରେ ରୁକୁଣା ରଥ ଟଣା
  • ||
  • ଆସନ୍ତା ୧୦ ତାରିଖ ଯାଏ ରାଜ୍ୟରେ ହାଲୁକା ବର୍ଷ ସମ୍ଭାବନା, ଆଜି ୮ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି
  • ||

ମରିଚି କୁଣ୍ଡ ପାଣି ନିଲାମ: ପ୍ରଥମ ପୂର୍ଣ୍ଣ କଳସ ୨୧,୦୦୧ ଟଙ୍କାରେ କିଣିଲେ କଟକର ଦମ୍ପତି

Published By : Prameya | April 5, 2025 8:14 AM

ଭୁବନେଶ୍ୱର,୦୫/୦୪: ଶୁକ୍ରବାର  ବିଳମ୍ବିତ ରାତିରେ ନିଃସନ୍ତାନ ଦମ୍ପତିଙ୍କ ଉଦ୍ଦେଶ୍ୟରେ ନିଲାମ କରାଯାଇଛି ମୁକ୍ତେଶ୍ୱର ମନ୍ଦିର ପ୍ରାଙ୍ଗଣରେ ଥିବା ମରିଚୀ କୁଣ୍ଡ ପାଣି ।  ଏଥର ଏହି ନିଲାମି ପକ୍ରିୟାରେ ପ୍ରାୟ ୧୦୦  ଦମ୍ପତି ଅଂଶ ଗ୍ରହଣ କରିଥିଲେ । ରାତିରେ ଏଠାକାର ପ୍ରଥମ ଗରା ପାଣି ମହାପ୍ରଭୁ ଶ୍ରୀଲିଙ୍ଗରାଜଙ୍କ ରୁକୁଣା ରଥ ପ୍ରତିଷ୍ଠା ନୀତି ନିମନ୍ତେ ବଡୁ ନିଯୋଗ ସେବାୟତ  ମାନେ ନେଇଥିଲେ । ରଥ ପ୍ରତିଷ୍ଠା ନୀତି ସମାପନ ହେଲାପରେ ମରିଚୀ କୁଣ୍ଡ ପାଣି ନିଲାମ ପ୍ରକ୍ରିୟା ଆରମ୍ଭ ହୋଇଥିଲା ।  

ନିଲାମରେ ଅଂଶ ଗ୍ରହଣ କରିଥିବା ଦମ୍ପତିଙ୍କ ମଧ୍ୟରୁ ପ୍ରଥମେ କଟକ ଦାମୋଦରପୁରର ଜ୍ୟୋତ୍ସ୍ନା ମହାରଣା  ୨୧୦୦୧ ଟଙ୍କାରେ ପହିଲି ଗରା ନେଇ ସ୍ନାନ କରିଥିଲେ । ଦ୍ୱିତୀୟ ଗରା ଓ ତୃତୀୟ  ଗରା ପାଣି ନିଲାମ ଦର ଶେଷ ହେବା ପରେ ଏକ ସର୍ବନିମ୍ନ ଦରରେ ଅବଶିଷ୍ଟ ଅପେକ୍ଷାରତ ଦମ୍ପତ୍ତିଙ୍କୁ ପାଣି ଗରା ଦିଆ ଯାଇଥିଲା ବୋଲି ବଡୁ ନିଯୋଗ ସେବାୟତ  ମାନେ କହିଛନ୍ତି । ଏଠାରେ ମହିଳା ମାନେ ଗାଧୋଇବା ଲାଗି ବିଏମସି ପକ୍ଷରୁ ଅସ୍ଥାୟୀ ଗାଧୁଆ ଘର ଓ ମନ୍ଦିର ପରିସର ଆଲୋକୀ କରଣ କରାଯାଇଥିଲା । ନିଲାମ ଡାକ ତଥା ନିଲାମରେ ଅଂଶଗ୍ରହଣକାରୀଙ୍କ ସୁରକ୍ଷା ନିମନ୍ତେ ୩ ଅଫିସରଙ୍କ ନେତୃତ୍ୱରେ ଗୋଟିଏ ପ୍ଳାଟୁନ ଫୋର୍ସ ମୁତୟନ  କରାଯାଇଥିଲା । ବିଧି ମୁତାବକ ଏହି  ନିଲାମରେ ଅଂଶ ଗ୍ରହଣ କରିବା ପୂର୍ବରୁ ସମସ୍ତେ ଶ୍ରୀଲିଙ୍ଗରାଜଙ୍କ ଠାରେ ଗୁଆ ନଡ଼ିଆ  ବସାଇ ସଂକଳ୍ପ କରିଥିଲେ । ଏହା ପରେ ଆଜ୍ଞା ପ୍ରସାଦ ପାଇ ନିଲାମରେ ସାମିଲ ହୋଇଥିଲେ । 

ସୂଚନାଯୋଗ୍ୟ ମରିଚୀ କୁଣ୍ଡ  ପାଣିରେ ସ୍ନାନ କଲେ ନିଃସନ୍ତାନ ସନ୍ତାନପ୍ରାପ୍ତି  କରିବା ବିଶ୍ୱାସ କାହିଁ କେଉଁ ଆବହମାନ କାଳରୁ ରହି ଆସିଛି । ତେଣୁ ପ୍ରତିବର୍ଷ  ଅଶୋକାଷ୍ଟମୀ ପୂର୍ବ ରାତିରେ ଏହି ପବିତ୍ର  ଜଳର ନିଲାମ ଡକାଯାଇଥାଏ ।

ଶନିବାର ପବିତ୍ର ଅଶୋକାଷ୍ଟମୀ: ରଥାରୂଢ଼ ହେବେ ମହାପ୍ରଭୁ ଶ୍ରୀଲିଙ୍ଗରାଜ, ଦୋଳ ଗୋବିନ୍ଦ ଓ ରୁକ୍ମିଣୀ


Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.