ବୌଦ୍ଧ, ୧୦/୦୮ : ବୌଦ୍ଧ ଜିଲ୍ଲା ଆଦର୍ଶ ଥାନା ପୋଲିସ ପକ୍ଷରୁ ମଥୁରା ଗ୍ରାମରେ ଚଢାଉ କରି କୋଡାସାହିରେ ଚାଲିଥିବା ବେଆଇନ ମଦ ଭାଟି ନଷ୍ଟ କଲା ପୋଲିସ। ଏହି ବେଆଇନ ମଦ ଭାଟିରୁ ପ୍ରାୟ ୧୫ ଶହ ଲିଟର ଦେଶୀ ମଦ ଓ ୮୦ ଲିଟର ବିଦେଶୀ ମଦ ଜବତ ହୋଇଛି। ଏହା ସହ ଜଣେ ଅଭିଯୁକ୍ତକୁ ପୋଲିସ ଗିରଫ କରିଥିବା ବେଳେ ଆଉ ୨ ଜଣ ଫେରାର୍ ମାରିଛନ୍ତି।
ସୂଚନାନୁଯାୟୀ, ବୌଦ୍ଧ ଆଦର୍ଶ ଥାନା ଅଧିକାରୀ ରଞ୍ଜିତ ମୁନି ମଥୁରା ଗ୍ରାମରେ ବେଆଇନ ଭାବେ ମଦ ଭାଟି ଚାଲିଥିବା ନେଇ ଖବର ପାଇଥିଲେ। ଏହାପରେ ଏକ ଟିମ୍ ଗଠନ କରି ଉକ୍ତ ଗ୍ରାମରେ ଚଢାଉ କରିଥିଲେ। ଚଢାଉ ବେଳେ ମଥୁରା ଗ୍ରାମର କୋଡା ସାହିରେ ଏକ ମଦ ଭାଟି ଚାଲିଥିବା ଦେଖିଥିଲେ। ଏହି ମଦ ଭାଟିରୁ ପ୍ରାୟ ୧୫ ଶହ ଲିଟର ଦେଶୀ ମଦ ଓ ୮୦ ଲିଟର ବିଦେଶୀ ମଦ ଜବତ ହୋଇଥିଲା। ଏହି ମଦ ଭାଟି ଚଳାଉଥିବା ୩ ଅଭିଯୁକ୍ତଙ୍କ ମଧ୍ୟରୁ ଜଣେ ଅଭିଯୁକ୍ତ ସନ୍ତୋଷ ମିର୍ଦ୍ଧାକୁ ପୋଲିସ ଗିରଫ କରିଥିବା ବେଳେ ଅନ୍ୟ ଦୁଇ ଅଭିଯୁକ୍ତ ଫେରାର ହୋଇଯାଇଥିଲେ। ତେବେ ଆଦର୍ଶ ଥାନା ପୋଲିସ ପକ୍ଷରୁ ମାମଲା ରୁଜୁ କରାଯାଇ ଅଧିକ ତଦନ୍ତ ଜାରି ରହିଥିବା ବେଳେ ଅନ୍ୟ ଦୁଇ ଅଭିଯୁକ୍ତଙ୍କୁ ଖୋଜୁଛି ପୋଲିସ।