ମୁମ୍ୱାଇ : ସଲମାନ ଖାନଙ୍କ ଘର ଉପରକୁ ହୋଇଥିବା ଫାୟାରିଂ ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି। ପୁଲିସର ଟିମ୍ ଯାଞ୍ଚରେ ଲାଗି ପଡ଼ିଛି। ଏହି ମଧ୍ୟରେ ଗ୍ୟାଙ୍ଗଷ୍ଟର ଲରେନ୍ସ ବିଶ୍ନୋଇଙ୍କ ଭାଇ ଅନମୋଲ ବିଶ୍ନୋଇ ସୋସିଆଲ ମିଡ଼ିଆରେ ଏକ ପୋଷ୍ଟର ଲେଖି ଫାୟାରିଂର ଦାୟିତ୍ୱ ନେଇଛି। ସଲମାନ ଖାନଙ୍କୁ ଧମକ ଦେଇ ଅନମୋଲ କହିଛି -ଏହା ତ କେବଳ ଟ୍ରେଲର । ଆଗାମୀ ଥର ଘର ବାହାରେ ଗୁଳି ଫୁଟିବନି ...।
ଅନମୋଲ ଫେସବୁକ୍ରେ ପୋଷ୍ଟ କରି ଲେଖିଛି , ଓମ୍ ଜୟ ଶ୍ରୀରାମ , ଜୟ ଗୁରୁଜୀ ଜମ୍ୱେଶ୍ୱର , ଜୟ ଗୁରୁ ଦୟାନନ୍ଦ ସରସ୍ୱତୀ,ଜୟ ଭାରତ। ଆମେ ଶାନ୍ତି ଚାହୁଁ। ଅତ୍ୟାଚାର ବିରୋଧରେ ନିଷ୍ପତ୍ତି ଯଦି ଯୁଦ୍ଧ ହୁଏ ତ ଯୁଦ୍ଧ ହିଁ ଠିକ୍। ସଲମାନ ଖାନ ଆମେ ତୁମକୁ କେବଳ ଟ୍ରେଲର ଦେଖାଇବାକୁ କରିଛୁ, ଏଥିରୁ ତମେ ବୁଝିଯିବ , ଆମ ଶକ୍ତିକୁ ଆଉ ପରୀକ୍ଷା କରନାହିଁ। ଏହା ଶେଷ ଚେତାବନୀ । ଏହାପରେ ଗୁଳି କେବଳ ଘର ଉପରକୁ ଚାଲିବନି।
ପୋଷ୍ଟରେ ଆହୁରି ଲେଖିଛି ,ଯେଉଁ ଦାଉଦ୍ ଇବ୍ରାହିମ୍ ଓ ଛୋଟା ସକିଲକୁ ତୁମେ ଭଗବାନ ଭାବି ରଖିଛ , ତାଙ୍କ ନାଁରେ ଆମେ ଦୁଇଟି କୁକୁର ପାଳିଛୁ। ଆଉ ଅଧିକ କହିବାର ମୋର ଅଭ୍ୟାସ ନୁହେଁ । ଜୟ ଶ୍ରୀରାମ , ଜୟ ଭାରତ। ଶେଷରେ ଲେଖିଛି , (ଲରେନ୍ସ ବିଶ୍ନୋଇ ଗ୍ରୁପ୍) ଗୋଲ୍ଡି ବରାଡ , ରୋହିତ ଗୋଦାରା , କାଲା ଜଠେଡି, ଅନମୋଲ ଭାରତରେ ୱାଣ୍ଟେଡ୍। ରିପୋର୍ଟ ମୁତାବିକ ସେ ଆମେରିକାରେ ଲୁଚିଛନ୍ତି।
ଉଲ୍ଲେଖନୀୟ ଯେ, ରବିବାର ସକାଳେ ବାନ୍ଦ୍ରା ସ୍ଥିତ ସଲମାନ ଖାନଙ୍କ ଘର ବାହାରେ ଦୁଇ ଜଣ ଅଜଣା ବାଇକ୍ ଆରୋହୀ ୪ ରାଉଣ୍ଡ ଗୁଳି ଚଳାଇ ଥିଲେ। ସକାଳ ପାଖାପାଖି ୪.୫୧ଟାରେ ଘଟଣାଟି ଘଟିଛି। ଏଥିରେ କେହି ଆହତ ହୋଇ ନାହାନ୍ତି । ଅଭିନେତାଙ୍କ ଘର ବାହାରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରି ଦିଆଯାଇଛି।