ବାଲିଗୁଡା,୧୯।୧  : ବେଲଘର ଥାନା ହାତୀମୁଣ୍ଡା ଗାଁ ନିକଟରେ ଭାରସାମ୍ୟ ହରାଇ ଓଲଟିଲା ଲଷ୍ମୀ ବସ l  ଅଳ୍ପକେ ବର୍ତ୍ତିଲେ ସମସ୍ତ ଯାତ୍ରୀ। ଲଷ୍ମୀ ବସଟି ତୁମୁଡିବନ୍ଧରୁ ଝିରିପାଣି ଯାଉଥିବା ସମୟରେ ଦୁର୍ଘଟଣା ଘଟିଛି। ତେବେ ବସରେ ମାତ୍ର ୫ ଜଣ ଯାତ୍ରୀ ରହିଥିବା ବେଳେ ବସ ଡ୍ରାଇଭର ଓ ଅନ୍ୟ ସମସ୍ତ କର୍ମଚାରୀ ସୁରକ୍ଷିତ ଥିବା ଜଣା ପଡିଛି l 

ଲଷ୍ମୀ ବସଟି ତୁମୁଡିବନ୍ଧ ରୁ ଝିରିପାଣି ଯାଉଥିଲା। ତୁମୁଡିବନ୍ଧ ରୁ ବାହାରି ଲଙ୍କାଗଡ଼ରୁ ୩ କିଲୋମିଟର ଅତିକ୍ରମ କରି ହାତୀମୁଣ୍ଡା ନିକଟରେ ପହଞ୍ଚିବା ପୂର୍ବରୁ ବସଟି ଭାରସାମ୍ୟ ହରାଇ ରାସ୍ତା କଡକୁ ଓଲଟି ପଡିଥିଲା। ବସରେ ଥିବା ୫ ଜଣ ଯାତ୍ରୀ, ଡ୍ରାଇଭର ଓ କର୍ମଚାରୀ ଅଳ୍ପକେ ବର୍ତ୍ତିଯାଇଥିଲେ। ପରେ ଜେସିବି ମେସିନ ଦ୍ୱାରା ଘଟଣା ସ୍ଥଳରୁ ଦୁର୍ଘଟଣା ଗସ୍ତ ବସକୁ ଉଦ୍ଧାର କରାଯାଇଛି l