ଦାରିଙ୍ଗବାଡି,୧୮/୧(ଆପ୍ର): ଦାରିଙ୍ଗବାଡି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଶନିବାର କାୟାକଳ୍ପ ଟିମ ପରିଦର୍ଶନ କରିଛନ୍ତି । କାୟାକଳ୍ପର ରାଜ୍ୟସ୍ତରୀୟ ଟିମରେ ଡକ୍ଟର ଅଞ୍ଜନା ପଣ୍ଡା, ଡ଼କ୍ଟର ରୁଦ୍ର ଦାସ, ଡ଼କ୍ଟର ବୀଣାପାଣି ନନ୍ଦ ପ୍ରମୁଖ ମେଡିକାଲ ପରିଦର୍ଶନ କରିଥିଲେ।
ମେଡ଼ିକାଲର ବର୍ହିବିଭାଗରେ ରହିଥିବା ଇଞ୍ଜେକସନ ରୁମ୍, ଡ୍ରେସିଂ ରୁମ୍, ଅଂଶୁଘାତ ଚିକିତ୍ସା କକ୍ଷ, ମେଡିସିନ କାଉଣ୍ଟର, ପରୀକ୍ଷାଗାର ସହ ଅନ୍ତଃବିଭାଗରେ ରହିଥିବା ରୋଗୀ ୱାର୍ଡ, ଲେବର ରୁମ୍ ଆଦି ବୁଲି ଦେଖିବା ସହ ଶୌଚାଳୟ ଗୁଡ଼ିକ ଦେଖିଥିଲେ । ଶୌଚାଳୟ ଗୁଡିକରେ ସ୍ଵଚ୍ଛତା ନଥିବାରୁ ଟିମ୍ ଉଦବେଗ ପ୍ରକାଶ କରିଥିଲେ । ଏହା ପରେ ଟିମ୍ ବିଭିନ୍ନ କାଗଜପତ୍ର ର ଯାଞ୍ଚ କରିଥିଲେ । ଟିମ୍ ଗସ୍ତ ସମୟରେ ଗୋଷ୍ଠୀ ଜନସ୍ବାସ୍ଥ୍ୟ ଅଧିକାରୀ ଡ଼କ୍ଟର ଜାକେଶ ସାମନ୍ତରାୟ ଙ୍କ ସମେତ ଅନ୍ୟ ଡାକ୍ତର, ନର୍ସ ସହ ଅନ୍ୟ କର୍ମଚାରୀମାନେ ଉପସ୍ଥିତି ଥିଲେ ।
