ଦାରିଙ୍ଗବାଡି,୧୮/୦୧: ଓଡ଼ିଶାର କାଶ୍ମୀର କୁହାଯାଉଥିବା ଦାରିଙ୍ଗବାଡିରେ ଶନିବାର ପୁଣି ତୁଷାର ପାତ ହୋଇଥିବା ଦେଖିବାକୁ ମିଳିଛି । ବିଲ ମାଳରେ ରହିଥିବା ପାଳ ଗଦା ଉପରେ ତୁଷାରପାତ ପଡ଼ିଥିବା ଦେଖିବାକୁ ମିଳିଛି । ତୁଷାରପାତ ଫଳରେ ହାତ ଗୋଡ଼ କାଲୁଆ ମାରି ଯାଉଛି । ଘରୁ ବାହାରିବା ଏକ ପ୍ରକାର ମୁସ୍କିଲ ହୋଇ ପଡ଼ିଛି । ଲୋକେ ଶୀତରୁ ରକ୍ଷା ପାଇବା ପାଇଁ ନିଆଁର ସାହାରା ହେଉ ଅବା ଶୀତ ବସ୍ତ୍ର ପରିଧାନ କରିବାକୁ ପଡ଼ୁଛି । ଆଉ କିଛି ଲୋକ ସକାଳୁ ସକାଳୁ ବ୍ୟାୟାମ କରିବାକୁ ବାହାରି ଯାଉଛନ୍ତି ।
ସକାଳେ ହେଉ ଅବା ସନ୍ଧ୍ୟାରେ ୨ ଚକିଆ ଯାନ ଚଲେଇବା ସମ୍ଭବ ହୋଇପାରୁ ନାହିଁ । ଦିନ ତମାମ କୋହଲା ପବନ ବହିବା ଯୋଗୁଁ ଶୀତରୁ ତ୍ରାହି ନାହିଁ । ତୁଷାର ପାତ ଯୋଗୁଁ ବୃଦ୍ଧ ବୃଦ୍ଧାଙ୍କ ଦୁଃଖ କଷ୍ଟ ବଢ଼ି ଯାଇଥିବା ବେଳେ ଶ୍ରମିକ ଶ୍ରେଣୀର ଲୋକେ କାମ ଧନ୍ଦାକୁ ସଠିକ୍ ସମୟରେ ଯାଇ ପାରୁନାହାନ୍ତି ।
