ଦାରିଙ୍ଗବାଡି,୧୧/୧ (ଆପ୍ର): ନଦୀରେ ଗାଧୋଉଥିବା ବେଳେ ବୁଡିଯାଇ ଜଣେ ଯୁବକର ମୃତ୍ୟୁ ଘଟିଛି। ମୃତ ଯୁବକ ଜଣକ ହେଲେ ବ୍ରାହ୍ମଣୀଗାଁ ଥାନା ଅଧୀନସ୍ଥ ଗଦାପୁର ଗ୍ରାମ ରଥ ସାହିର ଦିବ୍ୟଲୋଚନ ମହାକୁଡ଼ ।
ବ୍ରାହ୍ମଣୀଗାଁ ଥାନା ଅଧୀନସ୍ଥ ଗଦାପୁର ଗ୍ରାମ ରଥ ସାହିର ଯୁଧିଷ୍ଠିର ମହାଙ୍କୁଡ଼ଙ୍କ ୨୫ ବର୍ଷର ପୁଅ ଦିବ୍ୟଲୋଚନ ସକାଳୁ ସ୍ନାନ ଓ ଶୌଚ ପାଇଁ ନଦୀକୁ ଯାଇଥିଲେ। ଏହି ସମୟରେ ଗୋଡ ଖସିଯିବାରୁ ପାଣିରେ ବୁଡିଯାଇଥିଲେ। ନଦୀକୁ ଗାଧୋଇବାକୁ ଯାଇଥିବା ଅନ୍ୟ ଲୋକମାନେ ଦିବ୍ୟଲୋଚନ ପାଣିରେ ପଡ଼ି ରହିଥିବା ଦେଖି ତାକୁ ଉଦ୍ଧାର କରିଥିଲେ। ୧୦୮ ଆମ୍ବୁଲାନ୍ସ ଖବର ଦେଇ ଥିଲେ। ଆମ୍ବୁଲାନ୍ସ ଯୋଗେ ବ୍ରାହ୍ମଣୀଗାଁ ଡାକ୍ତରଖାନା ରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ହେଲେ ଡାକ୍ତର ଦିବ୍ୟଲୋଚନ ମୃତ ବୋଲି ଘୋଷଣା କରିଥଲେ। ଏହାପରେ ପରେ ମୃତଙ୍କଙ୍କ ମାମୁଁ ବାଳକୃଷ୍ଣ ମହାକୁଡ ଥାନରେ ଏତଲା ଦେଇଥଲେ। ଥାନା ଅଧିକାରୀ ବିଜୟ କୁମାର ହାଇବୁରୁଙ୍କ ନିର୍ଦ୍ଦେଶକ୍ରମେ ଏଏସଆଇ ରମାକାନ୍ତ ସେଠି ଓ ଏଏସଆଇ ଶଙ୍କର ୱାଡ଼ାକା ମେଡ଼ିକାଲରେ ପହଞ୍ଚି ଘଟଣା ସମ୍ପର୍କରେ ତଦନ୍ତ କରିଥିଲେ। ଶବ ବ୍ୟବଚ୍ଛେଦ ପରେ ପରିବାର ସଦସ୍ୟଙ୍କୁ ହସ୍ତାନ୍ତର କରାଯାଇଛି।
