ତୁମୁଡିବନ୍ଧ,୧୯/୧ : ବାଇକ ଓ ମିନିଟ୍ରକ ମଧ୍ୟରେ ମୁହାଁମୁହିଁ ଧକ୍କା ହେବାରୁ ୨ ଜଣ ଯୁବକ ଗୁରୁତର ହୋଇଛନ୍ତି। ତୁମୁଡିବନ୍ଧ ଠାରୁ କୋଟଗଡ ରାସ୍ତାରେ ଦୁର୍ଘଟଣା ଘଟିଛି। ଗୁରୁତର ଯୁବକମାନେ ହେଲେ ଦେବଜିତ ପରାସେଠ ଓ ସମଦେଶ ମଣ୍ଡଳ ।
ତୁମୁଡିବନ୍ଧ ଠାରୁ କୋଟଗଡ ଆଡକୁ ଯାଉଥିବା ୨ ଜଣ ଯୁବକ ଏକ ବାଇକ ( ନଂ. ଓଡି ୧୨ ଡି ୫୧୪୬)ରେ ଯାଉଥିଲେ। ଏହି ସମୟରେ ବିପରୀତ ଦିଗରୁ ଆସୁଥିବା ଏକ ମିନି ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା। ଏଥିରେ ବାଇକ ଆରୋହୀ ଦେବଜିତ ଓ ସମଦେଶ ଗୁରୁତର ହୋଇଥିଲେ।। ଉଭୟ ଗୁରୁତରଙ୍କୁ ତୁମୁଡିବନ୍ଧ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ପ୍ରାଥମିକ ଚିକିତ୍ସା ପରେ ବାଲିଗୁଡା ଉପଖଣ୍ଡ ଡାକ୍ତରଖାନାକୁ ପଠା ଯାଇଥିଲା। ତେବେ ଅବସ୍ଥା ଅଧିକ ଗୁରୁତର ହେବାରୁ ସେମାନଙ୍କୁ ଫୁଲବାଣୀ ଜିଲ୍ଲା ମୂଖ୍ୟ ଚିକିତ୍ସାଳୟ ସ୍ଥାନାନ୍ତର କରାଯାଇଛି। ତୁମୁଡିବନ୍ଧ ପୁଲିସ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛି।
