ଦାରିଙ୍ଗବାଡି,୧୮/୧୨ : ଦାରିଙ୍ଗବାଡି ଥାନା ଅନ୍ତର୍ଗତ ସାଲେଜୁ ଓ କାଡ଼ାସପାଟା ଗ୍ରାମ ଅଞ୍ଚଳରେ ରହିଥିବା ନାଳ ପାଖ ସରକାରୀ ଜମିରେ ଚାଷ ହୋଇଥିବା ଗଞ୍ଜେଇ ଚାଷ ନଷ୍ଟ କରିଛି ପୁଲିସ । ଦାରିଙ୍ଗବାଡି ତହସିଲଦାର ଶରତ ଶବରଙ୍କ ଉପସ୍ଥିତ କ୍ରମେ ୧୦୫ ଏକର ଜମିରେ ହୋଇଥିବା ଗଞ୍ଜେଇ ଚାଷ କଟାଯାଇ ନିଆଁ ଲଗା ଯାଇଥିଲା । ଯାହାର ଆନୁମାନିକ ମୂଲ୍ୟ ୮ କୋଟି ଟଙ୍କା ହେବ ବୋଲି ପୁଲିସ ସୂଚନା ଦେଇଥିବାବେଳେ ଏ ନେଇ ଅଧିକ ତଦନ୍ତ ଚାଲିଛି ।
ଥାନା ଅଧିକାରୀ କନକ ମାଝୀଙ୍କ ନେତୃତ୍ୱ କ୍ରମେ ଏସଆଇ ଜୟନ୍ତ ସେଠୀଙ୍କ ସମେତ ପୁଲିସ ଫୋର୍ସ ମୁତୟନ ହୋଇ ଗଞ୍ଜେଇ ଚାଷ ନଷ୍ଟ କରିଥିଲେ । ଚଳିତ ବର୍ଷ ଦାରିଙ୍ଗବାଡି ଥାନା ଅଂଚଳରେ ଅଧିକ ଗଞ୍ଜେଇ ଚାଷ ନଷ୍ଟ କରାଯାଇଥିବା ଦେଖିବାକୁ ମିଳିଥିବାବେଳେ ଆହୁରି ଅନେକ ଅଞ୍ଚଳରେ ଗଞ୍ଜେଇ ଚାଷ ହୋଇଛି ।
