ନୂଆଦିଲ୍ଲୀ,୫/୬: ଗତକାଲି ମଣ୍ଡି ନିର୍ବାଚନ ମଣ୍ଡଳୀରୁ ବିଜୟୀ  ହୋଇଛନ୍ତି ଅଭିନେତ୍ରୀ କଙ୍ଗନା ରାଣାୱତ । ଏନେଇ ସେ ବିଜେପି ସାଂସଦ ଭାବରେ ତାଙ୍କର ପ୍ରଥମ କାର୍ଯ୍ୟକାଳ ପାଇଁ ସେ ପ୍ରସ୍ତୁତି ଆରମ୍ଭ କରିଛନ୍ତି ।  ଏହାରି ମଧ୍ୟରେ ଅଭିନେତ୍ରୀ କଙ୍ଗନା ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି। ଅଭିନେତ୍ରୀ ତାଙ୍କ ଇନ୍‌ଷ୍ଟାଗ୍ରାମ୍‌ ଷ୍ଟୋରୀରେ ତ‌ାଙ୍କର ଓ ଯୋଗୀ ଆଦିତ୍ୟନାଥଙ୍କର ଏକ ଫଟୋ ପୋଷ୍ଟ୍‌ କରି ଜନ୍ମଦିନ ଶୁଭେଚ୍ଛା ଜଣାଇଛନ୍ତି। ଫଟୋ ସେୟାର କରି ସେ କ୍ୟାପସନ୍‌ରେ ଲେଖିଛନ୍ତି ଯେ, 'ଆମ ଦେଶରେ ସବୁଠାରୁ ଅଧିକ ଇଜ୍ଜତ ଓ ଭଲପାଇବା ପାଇଥିବା ମୁଖ୍ୟମନ୍ତ୍ରୀଙ୍କୁ ଜନ୍ମଦିନା ଶୁଭକାମନା।' 

ପ୍ରକାଶ ଥାଉକି,ନିର୍ବାଚନ ଆୟୋଗଙ୍କ ୱେବସାଇଟ ଅନୁଯାୟୀ, ପ୍ରଥମ ଥର ପାଇଁ ବିଜେପି ପାଇଁ ପ୍ରତିଦ୍ୱନ୍ଦ୍ୱୀ ଥିବା ରାଣାୱତଙ୍କୁ ୫,୨୭,୪୬୩ ଖଣ୍ଡ ଭୋଟ୍‌ ମିଳିଥିଲା ଏବଂ ସେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ କଂଗ୍ରେସର ବିକ୍ରମାଦିତ୍ୟ ସିଂହଙ୍କ ଠାରୁ ୭୩,୭୦୩ ଖଣ୍ଡ ଭୋଟ ବ୍ୟବଧାନରେ ଆଗୁଆ ଅଛନ୍ତି। ୪ ଥର ଜାତୀୟ ପୁରସ୍କାର ବିଜେତା ଅଭିନେତ୍ରୀ  ନିଜର ବିଜୟ ଉତ୍ସବ ପାଳନ କରିଛନ୍ତି। ଏହି ଭଲପାଇବା ଓ ବିଶ୍ୱାସ ପାଇଁ ମଣ୍ଡିର ସମସ୍ତ ଲୋକଙ୍କୁ ହୃଦୟରୁ କୃତଜ୍ଞତା ଜଣାଉଥିବା କହିଛନ୍ତି କଙ୍ଗନା।