କଟକ, ୩୦/୦୩: ବେଙ୍ଗାଲୁରୁ-ଗୌହାଟୀ କାମାକ୍ଷା ଏକ୍ସପ୍ରେସ୍ ଲାଇନଚ୍ୟୁତ ଘଟଣା । ରେଲ ୱେ ପକ୍ଷରୁ ଜାରି ହେଲା ହେଲ୍ପଲାଇନ୍ ନମ୍ୱର । ୩ ଟି ଟ୍ରେନ୍ର ହେଲା ଦିଗ ପରିବର୍ତ୍ତନ । କାମାକ୍ଷା ଏକ୍ସପ୍ରେସ୍ରେ ଥିବା ଯାତ୍ରୀମାନଙ୍କୁ ଉଦ୍ଧାର କରାଯାଇ ଅନ୍ୟ ଏକ ଟ୍ରେନ୍ରେ ଗନ୍ତବ୍ୟ ସ୍ଥଳରୁ ପଠାଯିବା ପାଇଁ ରେଳବାଇ ପକ୍ଷରୁ ବ୍ୟବସ୍ଥା କରାଯାଇଛି । ଘଟଣା ସ୍ଥଳରେ ଖୋର୍ଦ୍ଧା ରୋଡ୍ ଡିଆର୍ଏମ୍, ଜିଏମ୍ଙ୍କ ସମେତ ବରିଷ୍ଠ ଅଧିକାରୀ ମାନେ ଉପସ୍ଥିତ ରହି ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ପ୍ରୟାସ ଜାରି ରଖିଛନ୍ତି । ଦୁର୍ଘଟଣା ରିଲିଫ୍ ଏବଂ ଡାକ୍ତରୀ ରିଲିଫ୍ ଟ୍ରେନ୍ ମଧ୍ୟ ଘଟଣାସ୍ଥଳକୁ ପଠାଯାଇଛି ।
ତେବେ ଡାଇଭର୍ଟ ହୋଇଥିବା ଟ୍ରେନ୍ ଗୁଡ଼ିକ ହେଲା ୧୨୮୨୨ (BRAG), ୧୨୮୭୫ (BBS), ୨୨୬୦୬ (RTN) । ଏହି ଦୁର୍ଘଟଣାରେ ପରେ ଭୁବନେଶ୍ୱର ପ୍ଲାଟଫର୍ମ ନଂ ୧ ରେ ହେଲ୍ପଡେସ୍କ ନମ୍ବର ୮୧୧୪୩୮୨୩୭୧ ଜାରି କରାଯାଇଛି । ଭୁବନେଶ୍ୱରରେ ୮୪୫୫୮୮୫୯୯୯ ଏବଂ କଟକରେ ୮୯୯୧୧୨୪୨୩୮, ୮୯୯୧୧୨୪୨୩୮ ହେଲ୍ପଲାଇନ୍ ନମ୍ୱର ଜାରି ହୋଇଛି । ସେହିଭଳି ଭଦ୍ରକ ପାଇଁ ହେଲ୍ପଲାଇନ୍ ନମ୍ୱର ୯୪୩୭୪୪୩୪୬୯ ଜାରି କରିଛି ରେଲ୍ ୱେ ।
ସୂଚନା ଅନୁଯାୟୀ, ରବିବାର ମଧ୍ୟାହ୍ନ ସମୟରେ କଟକ ମଙ୍ଗୁଳି ଚୌଦ୍ବାର ନିର୍ଗୁଣ୍ତି ନିକଟରେ କାମାକ୍ଷା ଏକ୍ସପ୍ରେସ୍ ଲାଇନଚ୍ୟୁତ ହୋଇଥିଲା । ଯେଉଁଥିରେ ୧୧ ବଗି ଧାରଣାରୁ ଖସି ପଡ଼ିଥିଲା । ରେଲ୍ ୱେ ପକ୍ଷରୁ ମୃତାହତର କୌଣସି ସୂଚନା ମିଳିନାହିଁ । ଘଟଣାସ୍ଥଳରେ ରେଳବାଇ ଟିମ୍ ପହଞ୍ଚି ଥିବା ଜଣାପଡିଛି। ଆହତ ଯାତ୍ରୀଙ୍କୁ ଉଦ୍ଧାର କରିବା ପାଇଁ ଜୋରଦାର ଅପରେସନ୍ ଚାଲିଛି । ଘଟଣାସ୍ଥଳରେ ଆର୍ପିଏଫ୍, ଜିଆର୍ପିଏଫ, ଅଗ୍ନିଶମ ବାହିନୀ ଉଦ୍ଧାର କରୁଥିବା ଜଣାପଡିଛି। ଆହତଙ୍କୁ ଉଦ୍ଧାର କରାଯାଇ କଟକ ମେଡିକାଲ ପଠାଯାଇଛି।
