ପ୍ରତିମାସ  ଶୁକ୍ଳ ଏବଂ କୃଷ୍ଣ ପକ୍ଷ ଏକାଦଶୀ ତିଥିରେ ଏକାଦଶୀ ଉପବାସ ପାଳନ କରାଯାଏ ।  ଚୈତ୍ର ମାସର ଶୁକ୍ଳ ପକ୍ଷର ଏକାଦଶୀକୁ କାମଦା ଏକାଦଶୀ କୁହାଯାଏ। କୁହାଯାଏ ଯେ ଏହି ଦିନ ବିଶ୍ୱର ରକ୍ଷାକର୍ତ୍ତା ଭଗବାନ ବିଷ୍ଣୁଙ୍କୁ  ପୂଜା କରିବା ଦ୍ୱାରା ବ୍ୟକ୍ତି ସମସ୍ତ ପ୍ରକାରର ଦୁଃଖରୁ ମୁକ୍ତି ପାଇଥାଏ। ଏହା ସହିତ, ଏହି ଉପବାସର ପ୍ରଭାବରେ ବ୍ୟକ୍ତି ଜାଣତରେ କିମ୍ବା ଅଜାଣତରେ କରିଥିବା ପାପରୁ ମୁକ୍ତି ପାଏ। ଏହି ଦିନ ଭଗବାନ ବିଷ୍ଣୁ ଏବଂ ଦେବୀ ଲକ୍ଷ୍ମୀଙ୍କ ପୂଜା କରିବା ସହିତ ନିଜ ରାଶି ଅନୁସାରେ ଦାନ କରିବା ଦ୍ୱାରା, ବ୍ୟକ୍ତିର ଅଟକି ରହିଥିବା କାମ ସମାପ୍ତ ହୁଏ।

ହିନ୍ଦୁ ପଞ୍ଚାଙ୍ଗ ଅନୁସାରେ, ଚୈତ୍ର ମାସ କୃଷ୍ଣ ପକ୍ଷର ଏକାଦଶୀ ତିଥି ଏପ୍ରିଲ ୭ ତାରିଖ ରାତି ୮ଟାରୁ ଆରମ୍ଭ ହେବ। ସେହିପରି ଏହା ପରଦିନ ରାତି ୯:୧୨ ରେ ଶେଷ ହେବ। ଉଦୟା ତିଥି ଅନୁସାରେ, କାମଦା ଏକାଦଶୀର ଉପବାସ ଏପ୍ରିଲ ୮, ମଙ୍ଗଳବାର ଦିନ ପାଳନ କରାଯିବ। ତେବେ ଏହି କାମଦା ଏକାଦଶୀରେ ଜାଣନ୍ତୁ କେଉଁ ରାଶିର ବ୍ୟକ୍ତି କଣ ଦାନ କରିବା ଉଚିତ୍। ଆସନ୍ତୁ ଜାଣିବା 

ମେଷ ରାଶି: କାମଦା ଏକାଦଶୀ ଦିନ ଲାଲ ରଙ୍ଗର ମିଠା, ଲାଲ ରଙ୍ଗର  ଫଳ ଏବଂ ମସୁର ଡ଼ାଲି ଦାନ କରନ୍ତୁ।

ବୃଷ ରାଶି:ଏହି ରାଶିର ବ୍ୟକ୍ତି ଚାଉଳ, ଗହମ, ଚିନି, କ୍ଷୀର ଇତ୍ୟାଦି ଜିନିଷ ଦାନ କରନ୍ତୁ।

ମିଥୁନ ରାଶି: ଏହି ରାଶିର ବ୍ୟକ୍ତି  ଅସହାୟ ଲୋକଙ୍କୁ ସବୁଜ ପନିପରିବା ଦାନ କରନ୍ତୁ।

କର୍କଟ ରାଶି: , ମିଠା, ଲସି, କ୍ଷୀର  ଇତ୍ୟାଦି ଜିନିଷ ଦାନ କରନ୍ତୁ।

ସିଂହ ରାଶି:  କାମଦା ଏକାଦଶୀରେ ଭଗବାନ ବିଷ୍ଣୁଙ୍କ ପୂଜା କରିବା ପରେ, ପଥଚାରୀମାନଙ୍କ ମଧ୍ୟରେ ଲାଲ ଫଳ ଏବଂ ସରବତ ବଣ୍ଟନ କରନ୍ତୁ।

କନ୍ୟା ରାଶି:  ବିବାହିତ ମହିଳାଙ୍କୁ ସବୁଜ ରଙ୍ଗର ଚୁଡ଼ି ଦାନ କରନ୍ତୁ।

ତୁଳା ରାଶି:  ଭଗବାନ ବିଷ୍ଣୁଙ୍କ ପୂଜା କରିବା ପରେ, ଗରିବ ଲୋକଙ୍କୁ ଧଳା ବସ୍ତ୍ର ଦାନ କରନ୍ତୁ।

ବିଛା ରାଶି:  ମସୁର ଡ଼ାଲି, ଲାଲ ଲଙ୍କା, ଲାଲ ରଙ୍ଗର ଫଳ ଇତ୍ୟାଦି ଦାନ କରନ୍ତୁ।

ଧନୁ ରାଶି: ପଥଚାରୀଙ୍କ ମଧ୍ୟରେ କେସର ମିଶ୍ରିତ କ୍ଷୀର ବାଣ୍ଟନ୍ତୁ। ଆପଣ ହଳଦିଆ ରଙ୍ଗର ଫଳ ଏବଂ ଅନ୍ୟାନ୍ୟ ଖାଦ୍ୟ ମଧ୍ୟ ଦାନ କରିପାରିବେ।

ମକର ରାଶି:  ଭଗବାନ ବିଷ୍ଣୁଙ୍କୁ ପୂଜା କରନ୍ତୁ ଏବଂ ଗରିବ ଲୋକଙ୍କୁ ଟଙ୍କା ଦାନ କରନ୍ତୁ।

କୁମ୍ଭ ରାଶି:  କାମଦା ଏକାଦଶୀରେ ଚମଡା ଜୋତା, ଚପଲ, ଛତା ଏବଂ କଳା ପୋଷାକ ଇତ୍ୟାଦି ଦାନ କରନ୍ତୁ।

ମୀନ ରାଶି: ଏହି ରାଶିର ବ୍ୟକ୍ତି କଦଳୀ, ଚଣା ଡାଲି, ଚଣା ଅଟା, ହଳଦିଆ ରଙ୍ଗର ପୋଷାକ ଦାନ କରନ୍ତୁ।