ସୌରମଣ୍ଡଳରେ ଅନେକ ଗ୍ରହ ଅଛନ୍ତି ଏବଂ ସେମାନଙ୍କ ଗୋଚରର ଭିନ୍ନ ଭିନ୍ନ ମହତ୍ତ୍ୱ ରହିଥାଏ । ସେହିଭଳି ସମସ୍ତ ଗ୍ରହର ଏକ ଉପନାମ ମଧ୍ୟ ରହିଥାଏ । ଏହା ସହିତ ପ୍ରତ୍ୟେକ ଗ୍ରହ ଏକ ନିର୍ଦ୍ଦିଷ୍ଟ ସମୟରେ ନିଜ ନିଜର ଗତି ପରିବର୍ତ୍ତନ କରିଥାନ୍ତି । ଯାହାର ପ୍ରଭାବ ମାନବ ସମାଜ ସହ ସମସ୍ତ ରାଶି ଉପରେ ମଧ୍ୟ ପଡ଼ିଥାଏ । ସେହିଭଳି ବୁଧ ଗ୍ରହଙ୍କୁ ଗ୍ରହ ମାନଙ୍କ ରାଜକୁମାର ବୋଲି କୁହାଯାଇଥାଏ । ବୁଧ ଗ୍ରହ ମଧ୍ୟ ଏକ ନିର୍ଦ୍ଦିଷ୍ଟ ସମୟରେ ତାଙ୍କ ଚାଲିରେ ପରିବର୍ତ୍ତନ କରିଥାନ୍ତି । ବୁଧ ନିଜ ଚାଲି କିମ୍ୱା ରାଶି ପରିବର୍ତ୍ତନ କରିବାର ପ୍ରଭାବ ସମସ୍ତ ରାଶିମାନଙ୍କ ଉପରେ ପଡ଼ିଥାଏ ।
ବୁଧ ବୁଦ୍ଧି ସଂଚାର ଏବଂ ତର୍କର କାରକଭାବେ ଜଣାଶୁଣା । ଭାଗ୍ୟରେ ତାଙ୍କ ପ୍ରଭାବରୁ ବ୍ୟକ୍ତିଙ୍କୁ ଶିକ୍ଷା, କ୍ୟାରିୟର୍ ଏବଂ ବ୍ୟବସାୟରେ ଉନ୍ନତି ପ୍ରାପ୍ତ ହୋଇଥାଏ । ଜ୍ୟୋତିର୍ବିଦଙ୍କ ମତ ଅନୁଯାୟୀ, ବୁଧ ମିଥୁନ ଏବଂ କନ୍ୟା ରାଶିର ସ୍ୱାମୀ । ଗ୍ରହମାନଙ୍କ ରାଜକୁମାର ବୁଧ ଏପ୍ରିଲ ୩ ତାରିଖ ଅର୍ଥାତ ଆଜିଠାରୁ ନିଜର ନକ୍ଷତ୍ର ପରିବର୍ତ୍ତନ କରି ପୂର୍ବଭାଦ୍ରପଦ ନକ୍ଷତ୍ରରେ ପ୍ରବେଶ କରିଛନ୍ତି । ଯାହାର ପ୍ରଭାବ ସମସ୍ତ ରାଶି ମାନଙ୍କ ଉପରେ ପଡ଼ିବ ।
ବୃଷ ରାଶି- ବୃଶ ରାଶିର ବ୍ୟକ୍ତି ଯଦି କୌଣସି ନୂଆ ବ୍ୟବସାୟ ଆରମ୍ଭ କରିବାକୁ ଚାହୁଁଛନ୍ତି, ତେବେ ବୁଧଙ୍କ କୃପାରୁ ତାଙ୍କୁ ସେଥିରେ ସଫଳତା ମିଳିବ । ଶିକ୍ଷା ଭକ୍ଷେତ୍ରରେ ଭଲ ପରିଣାମ ମିଳିବ । ପରିବାରରେ ସୁଖ ସମୃଦ୍ଧି ବୃଦ୍ଧି ହେବ । ଆପଣଙ୍କ ଆର୍ଥିତ ସ୍ଥିତି ମଜବୁତ ହେବ ।
କର୍କଟ ରାଶି- ବୁଧଙ୍କର ଏହି ରାଶି ପରିବର୍ତ୍ତନ କର୍କଟ ରାଶିର ବ୍ୟକ୍ତିଙ୍କ ଜୀବନରେ ସକାରାତ୍ମକ ପ୍ରଭାବ ପକାଇବ । ସେୟାର୍ ମାର୍କେଟରେ କିମ୍ୱା ବ୍ୟବସାୟରେ କରାଯାଇଥିବା ନିବେଶରେ ଆପଣଙ୍କୁ ନିବେଶ ଆପଣଙ୍କୁ ଲାଭ ଦେବ । ସନ୍ତାନଙ୍କଠାରୁ କୌଣସି ଶୁଭ ସମ୍ୱାଦ ମିଳିବ। ଅବିବାହିତ ବ୍ୟକ୍ତିଙ୍କ ପାଇଁ ବିବାହର ପ୍ରସ୍ତାବ ଆସିବ । କୋର୍ଟ ସମ୍ୱନ୍ଧୀୟ ବିବାଦର ଅନ୍ତ ଘଟିବ । ଯେଉଁ କାରଣରୁ ଆପଣଙ୍କ ଚିନ୍ତା ମଧ୍ୟ ସମାପ୍ତ ହେବ ।
କନ୍ୟା ରାଶି- ବୁଧଙ୍କର ନକ୍ଷତ୍ର ପରିବର୍ତ୍ତନ କରିବା ଫଳରେ କନ୍ୟାରାଶି ଉପରେ ସକାରାତ୍ମକ ପ୍ରଭାବ ପଡ଼ିବ । ଆପଣଙ୍କ ଅଟକି ରହିଥିବା କାମ ସମ୍ପର୍ଣ୍ଣ ହେବ । ଚାକିରୀ କ୍ଷେତ୍ରରେ ଆପଣଙ୍କୁ ନୂଆ ଦାୟିତ୍ୱ ମିଳିପାରେ । ଚାକିରି ଖୋଜୁଥିବା ଲୋକଙ୍କୁ ଇଚ୍ଛା ଅନୁଯାୟୀ ଚାକିରି ମିଳିବ । ଆପଣଙ୍କ ଜୀବନସାଥୀଙ୍କ ପୂର୍ଣ୍ଣ ସହଯୋଗ ମିଳିବ । ସମସ୍ତ କାର୍ଯ୍ୟରେ ସଫଳତା ମିଳିବ ।
ତୁଳା ରାଶି- ତୁଳା ରାଶିର ବ୍ୟକ୍ତିଙ୍କ ପାଇଁ ଏହି ରାଶି ପରିବର୍ତ୍ତନ ଅତ୍ୟନ୍ତ ଲାଭଦାୟକ ସାବ୍ୟସ୍ତ ହେବ । ଆୟ ଅଧିକ ହେବ । ଧୀର୍ଧଗ ସମୟ ଧରି ଲାଗି ରହିଥିବା ସମସ୍ୟାର ଅନ୍ତ ହେବ । ପ୍ରତିଯୋଗିତାମୂଳକ ପରୀକ୍ଷାରେ ବିଦ୍ଯାର୍ଥୀମାନେ ସଫଳତା ପାଇବେ ।