କର୍ମଫଳ ଦାତା ଶନି ସମସ୍ତଙ୍କୁ ତାଙ୍କ କର୍ମ ଅନୁଯାୟୀ ଫଳ ପ୍ରଦାନ କରିଥାନ୍ତି । ଆମେ ସମସ୍ତେ ଜାଣିଛେ ଯେ, ମାର୍ଚ୍ଚ ୨୯ ତାରିଖ ଅର୍ଥାତ ଆସନ୍ତା କାଲି ଶନି ନିଜର କାଳପୁରୁଷର ରାଶି କୁମ୍ଭ ରାଶିରୁ ବାହାରି ମୀନ ରାଶିରେ ଗୋଚର କରିବେ । ଶନିଙ୍କର ଏହି ଗୋଚର ଦେଶ ବିଦେଶ ସହ ସମସ୍ତ ରାଶି ଉପରେ ପ୍ରଭାବ ପକାଇବ। ଶନିଙ୍କର ଏହି ରାଶି ପରିବର୍ତ୍ତନ କିଛି ରାଶିର ବ୍ୟକ୍ତିଙ୍କୁ ଶୁଭ ଫଳ ପ୍ରଦାନ କରିବ । ତେବେ ଜ୍ୟୋତିର୍ବିଦଙ୍କ ଗଣନା ଅନୁଯାୟୀ, ଶନି ମୀନ ରାଶିରେ ପ୍ରବେଶ କରିବା ପରେ, ଏହି ୩ ଟି ରାଶିର ବ୍ୟକ୍ତିଙ୍କୁ ଅତ୍ୟନ୍ତ ଶୁଭ ଫଳ ମିଳିବ ।
ବୃଷ ରାଶି- ବୃଷ ରାଶିର ବ୍ୟକ୍ତିଙ୍କୁ ଶନିଙ୍କର ଏହି ରାଶି ପରିବର୍ତ୍ତନ ଅତ୍ୟନ୍ତ ଶୁଭ ଫଳ ପ୍ରଦାନ କରିବ । ଶନିଙ୍କର ମୀନ ରାଶିରେ ଗୋଚାର କରିବା ଫଳରେ ବୃଷ ରାଶିର ବ୍ୟକ୍ତିଙ୍କୁ ଭୌତିକ ସୁଖ ସୁବିଧା ପ୍ରାପ୍ତ ହେବ । ଏହା ସହ ଆର୍ଥିକ ସ୍ଥିତିରେ ମଧ୍ୟ ଉନ୍ନତି ଆସିବ । ସମସ୍ତ କାର୍ଯ୍ୟରେ ସଫଳତା ମିଳିବ । ଆୟର ନୂତନ ସୋତ୍ର ଖୋଲିବ । ପୁଞ୍ଜି ନିବେଶର ସୁବର୍ଣ୍ଣ ସୁଯୋଗ ମିଳିବ । ଏହା ସହ ଧର୍ମ କର୍ମରେ ମଧ୍ୟ ନିୟୋଯିତ ହେବେ ।
ମିଥୁନ ରାଶି- ମିଥୁନ ରାଶିର ବ୍ୟକ୍ତିଙ୍କୁ ଶନିଙ୍କର ଏହି ରାଶି ପରିବର୍ତ୍ତନ ଅତ୍ୟନ୍ତ ଶୁଭ ଫଳ ପ୍ରଦାନ କରିବ । କାରଣ ଶନି ଏହି ରାଶିର ବ୍ୟକ୍ତିଙ୍କ ନବମ ଭାଗରେ ପ୍ରବେଶ କରିବେ । ଏହି କାରଣରୁ ଆପଣଙ୍କ କର୍ମ କ୍ଷେତ୍ରରେ ଉନ୍ନତି ହେବା ସହ ପରିବର୍ତ୍ତନ ମଧ୍ୟ ହୋଇପାରେ । ସମାଜରେ ପ୍ରତିଷ୍ଠା ବଢିବ । କର୍ମସ୍ଥଳରେ ସିନିୟର୍ଙ୍କ ସହଯୋଗ ମିଳିବ । ଆପଣଙ୍କୁ କୌଣସି ବଡ଼ ପଦର ଦାୟିତ୍ୱ ମଧ୍ୟ ମିଳିପାରେ । ଜୀବନରେ ଶୁଭ ଫଳ ପ୍ରାପ୍ତ ହେବ ।
ତୁଳା ରାଶି- ତୁଳା ରାଶିର ଷଷ୍ଠ ଭାଗରେ ଶନି ଗୋଚର କରିବେ । ତୁଳା ରାଶିର ବ୍ୟକ୍ତି ସେମାନଙ୍କ ଶତ୍ରୁଙ୍କ ଉପରେ ବିଜୟ ହାସଲ କରିପାରିବେ । କୋର୍ଟ ସମ୍ୱନ୍ଧୀୟ ମାମଲାର ଅନ୍ତ ହେବ । ଚାକିରି କରୁଥିବା ବ୍ୟକ୍ତିଙ୍କ ଜୀବନରେ ଉନ୍ନତି ଆସିବ । ଏହି ସମୟରେ ଆପଣ ଭୂମି, ବାହନ ଇତ୍ୟାଦି କିଣିବେ ।
