ହିନ୍ଦୁ ଧର୍ମରେ ଏକାଦଶୀ ତିଥିର ବିଶେଷ ମହତ୍ତ୍ବ ରହିଛି। ଏହି ଦିନ ଭଗବାନ ବିଷ୍ଣୁଙ୍କ ପୂଜା କରାଯାଏ। ଏହି ବ୍ରତ ମାସକୁ ୨ ଥର ପଡ଼ିଥାଏ। ଅର୍ଥାତ ଶୁକ୍ଳ ଓ କୃଷ୍ଣ ପକ୍ଷର ଏକାଦଶୀ ତିଥିରେ ରଖାଯାଏ। ସେହିପରି ଚୈତ୍ର ମାସ ଶୁକ୍ଳ ପକ୍ଷ ଏକାଦଶୀ ତିଥି କାମଦା ଏକାଦଶୀ ଭାବେ ଜଣାଶୁଣା । ମାନ୍ୟତା ରହିଛି ଯେ, ଏହି ଦିନ ବ୍ରତ ପାଳନ କରିବା ଦ୍ବାରା ଜୀବନରେ ସୁଖ ଶାନ୍ତି ବଜାୟ ରହେ । ଏଥିସହ ବ୍ୟକ୍ତିର ସମସ୍ତ ମନସ୍କାମନା ପୂରଣ ହୁଏ।
ହିନ୍ଦୁ ପଞ୍ଚାଙ୍ଗ ଅନୁସାରେ, ଚୈତ୍ରମାସ କୃଷ୍ଣପକ୍ଷ ଏକାଦଶୀ ତିଥିର ଆରମ୍ଭ ୭ ଏପ୍ରିଲ ରାତ୍ରି ୮ଟାରୁ ଆରମ୍ଭ ହେବ। ସେହିପରି ଏହାର ପରଦିନ ରାତି ୯ ଟା ୧୨ମିନିଟରେ ଶେଷ ହେବ । ଉଦୟା ତିଥି ଅନୁସାରେ, କାମଦା ଏକାଦଶୀ ବ୍ରତ ମଙ୍ଗଳବାର ଅର୍ଥାତ ୮ ଏପ୍ରିଲରେ ପାଳନ କରାଯିବ । କାମଦା ଏକାଦଶୀ ପୂଜା କରିବା ପାଇଁ ସକାଳୁ ଜଲଦି ଉଠି ସ୍ନାନ କରିବା କରନ୍ତୁ । ଏହାପରେ ଭଗବାନ ବିଷ୍ଣୁଙ୍କ ପ୍ରତିମାକୁ ସ୍ଥାପନ କରି ଗଙ୍ଗାଜଳରେ ସ୍ନାନ କରାନ୍ତୁ ।
ଏହା ମଧ୍ୟ ପଢନ୍ତୁ- ଚୈତ୍ର ନବରାତ୍ରିରେ ୯ଟି ମନ୍ତ୍ରପାଠ ସହ କରନ୍ତୁ ମାଆଙ୍କ ଆରାଧନା, ସୁଖ ଶାନ୍ତିରେ ଭରିଯିବ ଜୀବନ
ଏହାପରେ ଭଗବାନଙ୍କୁ ଫୁଲ, ଫଳ, ଧୂପ, ଦୀପ ସହିତ ତାଙ୍କର ପ୍ରିୟ ନୈବେଦ୍ୟ ଅର୍ପଣ କରନ୍ତୁ । କାମଦା ଏକାଦଶୀର ପାରଣ ସମୟ ସକାଳ ୬ ଟା ୨ ମିନିଟରୁ ୮ଟା ୩୪ ମିନିଟ ପର୍ଯ୍ୟନ୍ତ ରହିବ । ଏହି ସମୟରେ ବର୍ତକୁ ବିଧି ବିଧାନର ସହିତ ପାଳନ କରିବା ଉଚିତ୍ ।
