ବୈଦିକ ପଞ୍ଚାଙ୍ଗ ଅନୁସାରେ, ଚଳିତ ମାସ ୩୦ ତାରଖରୁ ଆରମ୍ଭ ହେବ ଚୈତ୍ର ନବରାତ୍ରି । ଏହି ପବିତ୍ର ପର୍ବ ପ୍ରତିବର୍ଷ ଚୈତ୍ର ମାସର ଶୁକ୍ଲପକ୍ଷର ପ୍ରତିପଦା ତିଥିରୁ ଆରମ୍ଭ କରି ନବମୀ ତିଥି ଯାଏଁ ପାଳନ କରାଯାଇଥାଏ । ଏହି ୯ ଦିନରେ ମାଆ ଦୁର୍ଗାଙ୍କ ୯ ଟି ରୂପର ପୂଜା କରି ନବରାତ୍ରିର ବ୍ରତ ପାଳନ କରାଯାଇଥାଏ । ଏହି ବ୍ରତ ପାଳନ କରିବା ଦ୍ୱାରା ଆପଣଙ୍କ ସମସ୍ତ ମନୋବାଞ୍ଛା ପୂର୍ଣ୍ଣ ହେବା ସହ ଅର୍ଥର ଅଭାବ ଦୂର ହୋଇଥାଏ ଏବଂ ପରିବାରରେ ସୁଖ ସମୃଦ୍ଧି ବୃଦ୍ଧି ପାଇଥାଏ ।
ଜ୍ୟୋତିର୍ବିଦ୍ଙ୍କ ମତ ଅନୁସାରେ, ଚୈତ୍ର ନବରାତ୍ରିର ନଅ ଦିନ ମଧ୍ୟରେ ଉର୍ଜାର କାରକ ମଙ୍ଗଳ ନିଜର ରାଶି ପରିବର୍ତ୍ତନ କରିବେ । ଏହି ଗ୍ରହ ଗୋଚର ହେବା ଫଳରେ ଅନେକ ରାଶିର ବ୍ୟକ୍ତିଙ୍କ ଜୀବନରେ ପରିବର୍ତ୍ତନ ଦେଖିବାକୁ ମିଳିବ । ଏହା ସହିତ ମାଆ ଦୁର୍ଗାଙ୍କ କୃପାରୁ ଲୋକଙ୍କର ମଙ୍ଗଳ ହେବା ସହ ମନୋସ୍କାମନା ମଧ୍ୟ ପୂର୍ଣ୍ଣ ହେବ । ତେବେ ଆସନ୍ତୁ ଜାଣିବା ସେହି ରାଶି ଗୁଡ଼ିକ ବିଷୟରେ...
ମଙ୍ଗଳଙ୍କ ରାଶି ପରିବର୍ତ୍ତନ-
ଜ୍ୟୋତିର୍ବିଦ୍ଙ୍କ ମତ ଅନୁସାରେ, ଗ୍ରହମାନଙ୍କର ସେନାପତି ମଙ୍ଗଳ ଏପ୍ରିଲ ୩ ତାରିଖରେ ରାଶି ପରିବର୍ତ୍ତନ କରିବେ । ମଙ୍ଗଳ ମିଥୁନ ରାଶିରୁ ବାହାରି କର୍କଟ ରାଶିରେ ପ୍ରବେଶ କରିବେ । କର୍କଟ ରାଶିରେ ମଙ୍ଗଳ ଜୁନ୍ ୬ ତାରିଖ ଯାଏଁ ରହିବେ । ଏହି ସମୟ ଅବଧି ମଧ୍ୟରେ ମଙ୍ଗଳ ଅନେକ ଥର ନକ୍ଷତ୍ରଙ୍କ ସ୍ଥିତି ବଦଳିବେ ।
କନ୍ୟା ରାଶି-
ଚୈତ୍ର ନବରାତ୍ରି ଠାରୁ କନ୍ୟା ରାଶିର ବ୍ୟକ୍ତିଙ୍କ ଭାଗ୍ୟୋଦୟ ହେବ । ଏହି ରାଶିର ବ୍ୟକ୍ତି କୌଣସି ଯାତ୍ରାରେ ଯାଇପାରନ୍ତି । ଧନ ସମ୍ପତ୍ତି ବୃଦ୍ଧି ହେବ । ଆୟର ନୂତନ ବାଟ ଖୋଲିବ । ଆପଣ କୌଣସି ଯାନବାହାନ ମଧ୍ୟ କ୍ରୟ କରିପାରନ୍ତି । ପଦ ଏବଂ ପ୍ରତିଷ୍ଠା ବୃଦ୍ଧି ପାଇବ । ଚାକିରିରେ ପଦୋନ୍ନତି ହେବାର ସମ୍ଭାବନା ରହିଛି । ଆପଣ ଜୀବନରେ ସଫଳତାର ଶୃଙ୍ଗ ଛୁଇଁବେ । ଟ୍ରାନ୍ସପୋର୍ଟ, ଇଲେକ୍ଟ୍ରୋନିକ୍ ଏବଂ ଇଂଜିନିୟରିଂ ସହ ଜଡ଼ିତ ବ୍ୟକ୍ତିଙ୍କୁ ଅନେକ ଦିଗରେ ଲାଭ ମିଳିପାରେ । ଚିକିତ୍ସା କ୍ଷେତ୍ରରେ ମଧ୍ୟ ଏହି ରାଶିର ବ୍ୟକ୍ତିଙ୍କୁ ଅସୀମ ସଫଳତା ମିଳିବ । ବଡ଼ ଭାଇ ଏବଂ ଭଉଣୀଙ୍କଠାରୁ ଶ୍ରଦ୍ଧା ମିଳିବ । ଜଗତ ଜନନୀ ମାଆ ଦୁର୍ଗଙ୍କ କୃପା ପାଇବା ପାଇଁ ପୂଜା କରିବା ବେଳେ ମାଆଙ୍କୁ ନାଲି ରଙ୍ଗର ଫଳ ଏବଂ ଫୁଲ ନିଶ୍ଚୟ ଅର୍ପଣ କରନ୍ତୁ ।
ତୁଳା ରାଶି-
ଚୈତ୍ର ନବରାତ୍ରିରେ ତୁଳା ରାଶିର ବ୍ୟକ୍ତିଙ୍କ ଉପରେ ବର୍ଷିବ ମଙ୍ଗଳଦେବଙ୍କ କୃପା । ଏହି ସମୟରେ ଆପଣଙ୍କ କୌଣସି ଧାର୍ମିକ ଯାତ୍ରାରେ ଯାଇପାରନ୍ତି । ଦେବ ଦର୍ଶନ କରିବା ପାଇଁ ପରିବାର ସହ ଯାତ୍ରା କରିବେ । ଏହି ସମୟରେ ତାମସିକ ଭୋଜନ ତ୍ୟାଗ କରନ୍ତୁ । ନିଜ ବାଣୀ ଉପରେ ନିୟନ୍ତ୍ରଣ ରଖନ୍ତୁ । ଅଧିକ କ୍ରୋଧିତ ହୁଅନ୍ତୁ ନାହିଁ, ନଚେତ୍ ଆପଣଙ୍କ କାମ ବିଗିଡ଼ିପାରେ । ସେଥାପାଇଁ ନିଜର ଆସ୍ମବିଶ୍ୱାସକୁ ସୁଦୃଢ କରନ୍ତୁ । ଏପରି କରିବା ଦ୍ୱାରା ଜୀବନରେ ସୁଖ ସମୃଦ୍ଧିର ଆଗମନ ହେବ । ବ୍ୟବସାୟରେ ଦୁଇଗୁଣା ଲାଭ ହେବ । ଧନ ଲାଭର ସଂଯୋଗ ସୃଷ୍ଟି ହେବ । ଚାକିରିରେ ପଦୋନ୍ନତି ହୋଇପାରେ । ତେଣୁ ଚୈତ୍ର ନବରାତ୍ରିରେ ବ୍ରତ ପାଳନ କରି ଶ୍ରଦ୍ଧା ମନରେ ମାଆଙ୍କ ପୂଜାର୍ଚ୍ଚନା କରନ୍ତୁ ।
