ମୁମ୍ବାଇ,୨୦/୪ : ଜୟଶାହ ଇତିହାସର ପ୍ରଥମ ICC ଚେୟାରମ୍ୟାନ ଅଟନ୍ତି ଯିଏ ଆଫ୍ରିକାର ମହାଦ୍ବୀପରେ ଥିବା ବୋତ୍ସବଓ୍ବାନା ଦେଶ ଗସ୍ତ କରିଛନ୍ତି । ପ୍ରକାଶ ଯେ, ଜୟ ଶାହ ନିକଟରେ ଜିମ୍ବାଓ୍ବେରେ ହୋଇଥିବା ଆଇସିସି ବୈଠକରେ ପହଞ୍ଚିଥିଲେ । ଯାହାପରେ ସେ ୧୪-୧୬ଏପ୍ରିଲ ପର୍ଯ୍ୟନ୍ତ ବୋତ୍ସଓ୍ବାନାର ଗସ୍ତ କରିଥିଲେ । ସେ ସେଠାରେ ଆଇସିସିର ଆସୋସିଏଟ ମେମ୍ବର୍ସମାନଙ୍କ ସହ ସମ୍ବନ୍ଧିତ ମୁଦ୍ଦା ଉପରେ ଆଲୋଚନା କରିଥିଲେ । ଏହାସହ ସେ ବୋତ୍ସଓ୍ବାନାରେ କ୍ରିକେଟର ସ୍ଥିତି ବିଷୟରେ ଜାଣିଥିଲେ । ଏହି ଗସ୍ତରେ ତାଙ୍କ ସହ ଜିମ୍ବାଓ୍ବେ କ୍ରିକେଟ ବୋର୍ଡ଼ ଚେୟାରମ୍ୟାନ ଡକ୍ଟର ତାଓ୍ବେଗାଁ ଏବଂ କିଛି ଅନ୍ୟ ଆଇସିସିର ଅଧିକାରୀ ଉପସ୍ଥିତ ଥିଲେ ।
ବୋତ୍ସଓ୍ବାନାରେ କ୍ରିକେଟର ସ୍ଥିତି ଜାଣିବା ପୂର୍ବରୁ ICC ଚେୟାରମ୍ୟାନ ଜୟ ଶାହ ଦେଶର ରାଜଧାନୀ ଗାଓ୍ବେରୋନର କସାନେରେ ଓ୍ବାଇର୍ଲ୍ଡ ଲାଇଫ ପାର୍କରେ ବୁଲିବାର ଆନନ୍ଦ ବି ନେଇଛନ୍ତି । ଗାଓ୍ବୋରୋନରେ ଥିବା ସମୟରେ ବୋତ୍ସଓ୍ବାନା କ୍ରିକେଟ ଆସୋସିଏଶନ ଜୟ ଶାହ ଖେଳ ମନ୍ତ୍ରୀ ଜ୍ୟାକବ କେଲେବ୍ୟାଙ୍ଗ, ବୋତ୍ସଓ୍ବାନା ନେଶନାଲ ସ୍ପୋର୍ଟ୍ସ କମିଶନ ଏବଂ ବୋତ୍ସଓ୍ବାନା ନେଶନାଲ ଅଲମ୍ପିକ ସମିତିର କିଛି ସଦସ୍ୟଙ୍କ ସହ ଭେଟିଥିଲେ । ଏହି ବୈଠକର ଆୟୋଜନ ବୋତ୍ସଓ୍ବାନାରେ ଭାରତୀୟ ଉଚ୍ଚାୟୁକ୍ତ କୁମାରୀ କୁଠାଟୀ କରିଥିଲେ ।
