ବାଙ୍କୀ . ୫।୯ ହରୀରାଜପୁର ଗ୍ରାମର ଜଣେ ଅବସରପ୍ରାପ୍ତ ଯବାନ ପୋଲିସ ଉପରକୁ ଆକ୍ରମଣ କରିଛନ୍ତି। ଯବାନଙ୍କ ଆକ୍ରମଣରେ ଜଣେ ମହିଳା ପୋଲିସ କର୍ମଚାରୀ ଅଚେତ ହୋଇ ପଡିଛନ୍ତି। ମହିଳା ପୋଲିସ କର୍ମଚାରୀଙ୍କୁ ବାଙ୍କୀ ଡାକ୍ତରଖାନାରେ ଭର୍ତ୍ତି କରିଛନ୍ତି।
ହରୀରାଜପୂର୍ ଗ୍ରାମର ଅବସରପ୍ରାପ୍ତ ସେନା କର୍ମଚାରୀଙ୍କୁ ଗିରଫ କରିବାକୁ ବାଙ୍କୀ ପୋଲିସ ଯାଇଥିଲେ। ଏଥିରେ ଡିଏସ ପି ଜ୍ଞାନେନ୍ଦ୍ର ମିଶ୍ର, ଏସଆଇ ମଧୁସ୍ମିତା ବେହେରା ଓ ଅନ୍ୟ ଜଣେ ଯାଇଥିଲେ ।ଯବାନ ଜଣକ ଘର ଭିତରେ ଥିବାରୁ ତାକୁ ଧରିବାକୁ ମହିଳା ପୋଲିସ ଘର ଭିତରକୁ ଯାଇଥିଲେ। ଏହି ସମୟରେ ଯବାନ ଜଣକ ମହିଳା ପୋଲିସଙ୍କ ଗଳାକୁ ଚିପି ଧରିଥିଲେ । ଫଳରେ ସେ ଘଟଣା ସ୍ଥଳରେ ବେହୋସ୍ ହୋଇପଡ଼ିଥିଲେ । ମହିଳା ପୋଲିସଙ୍କୁ ଉଦ୍ଧାର କରି ବାଙ୍କୀ ଡାକ୍ତରଖାନାରେ ଭର୍ତ୍ତି କରିଛନ୍ତି।
ଆହୁରି ପଢନ୍ତୁ : ଗାଁର ବିଭିନ୍ନ ସମସ୍ୟା ନେଇ ବ୍ଲକ ଅଧ୍ୟକ୍ଷାଙ୍କୁ ଭେଟିଲେ ଗ୍ରାମବାସୀ