ନୂଆଦିଲ୍ଲୀ,୨୮।୧: ଇତିହାସ ରଚିଲେ ଜସପ୍ରୀତ ବୁମହାର। କ୍ରିକେଟ ଅଫ୍ ଦ ଇୟର ଭାବରେ ଚୟନ ହୋଇଛନ୍ତି ଭାରତର ଦ୍ରୁତ ବୋଲର ବୁମରାହ। ଏହା ସହ ଜସି ‘ସର ଗାରଫିଲ୍ଡ ସୋବର୍ସ ଟ୍ରଫି’ ପାଇଥିବା ଭାରତର ପ୍ରଥମ ବୋଲର ପାଲଟିଛନ୍ତି। ବୁମରାହଙ୍କୁ ଉଲ୍ଲେଖନୀୟ ପ୍ରଦର୍ଶନ ପାଇଁ ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ବର୍ଷର ସର୍ବଶ୍ରେଷ୍ଠ ପୁରୁଷ କ୍ରିକେଟର ଭାବରେ ଚୟନ କରିଛି।
ବୁମରାହ ବର୍ତ୍ତମାନ କ୍ରିକେଟ ଫିଲ୍ଡଠାରୁ ଦୂରରେ ଅଛନ୍ତି। ପିଠିରେ ଆଘାତ ଯୋଗୁଁ ନେଉଛନ୍ତି ରେଷ୍ଟ। ଅଷ୍ଟେ୍ରଲିଆ ବିପକ୍ଷ ବର୍ଡର ଗାଭାସ୍କର ଟ୍ରଫି ସମୟରେ ତାଙ୍କ ପିଠିରେ ଆଘାତ ଲାଗିଥିଲା। ଏହି ମ୍ୟାଚ୍ ପରେ ସେ କ୍ରିକେଟ୍ ମୈଦାନରୁ ଦୂରରେ ଅଛନ୍ତି। ୩୧ ବର୍ଷୀୟ ବୁମରାହ ହ୍ୟାରି ବ୍ରୁକ(ଇଂଲଣ୍ଡ), ଟ୍ରେଭିସ୍ ହେଡ୍( ଅଷ୍ଟେ୍ରଲିଆ) ଓ ଜୋ ରୁଟ୍(ଇଂଲଣ୍ଡ) ଭଳି ଷ୍ଟାର ଖେଳାଳିଙ୍କୁ ପଛରେ ପକାଇ ପୁରୁଷ କ୍ରିକେଟରଙ୍କ ଶୀର୍ଷ ଖେଳାଳିଙ୍କୁ ପଛରେ ପକାଇ ଏହି ପୁରସ୍କାର ପାଇଛନ୍ତି।
୨୦୨୪ ବୁମରାହଙ୍କ ପାଇଁ କୌଣସି ଏକ ସ୍ବପ୍ନ ଭଳି ଥିଲ। କ୍ରିକେଟର ଯେ କୌଣସି ଫର୍ମାଟରେ ସେ ଥିଲେ ଏକ ନମ୍ବର। ଟି-୨୦ ଓ୍ବାର୍ଲ୍ଡକପ୍ କିମ୍ବା ବର୍ଡର ଗାଭାସ୍କର ସିରିଜ। ବୁମରାହ ନିକଟରେ ଟେଷ୍ଟରେ ୨୦୦ ଓ୍ବିକେଟ ପୁରା କରିଥିଲେ। ୨୦୨୪ ରେ ଟେଷ୍ଟ କ୍ରିକେଟରେ ସର୍ବଶ୍ରେଷ୍ଠ ବୋଲର ରହିଛନ୍ତି। ତାଙ୍କୁ ୧୩ ମ୍ୟାଚ୍ରେ ୧୪.୯୨ ଆଭରେଜ୍ ଓ ୩୦.୧୬ ଷ୍ଟ୍ରାଇକ୍ ରେଟ୍ରେ ୭୧ ଓ୍ବିକେଟ ନେଇଛନ୍ତି। ଯାହାକି ପାରମ୍ପରିକ ରୂପରେ ଯେ କୌଣସି ବୋଲରଙ୍କ ସର୍ବଶ୍ରେଷ୍ଠ ପ୍ରଦର୍ଶନ।
