ନୂଆଦିଲ୍ଲୀ,୨୭।୭: ଜମ୍ମୁ-କଶ୍ମୀର ପୋଲିସ ଡୋଡାରେ ହୋଇଥିବା ଆତଙ୍କବାଦୀ ଆକ୍ରମଣକୁ ନେଇ ତିନି ଆତଙ୍କବାଦୀଙ୍କ ସ୍କେଚ୍ ଜାରି କରିଛି। ଡୋଡା ଜିଲ୍ଲାରେ ଜଣେ କ୍ୟାପଟେନ୍ ସହ ଜଣ ଯବାନ ଶହୀଦ ହୋଇଥିଲେ। ଏହାପରେ ତିନି ଆତଙ୍କବାଦୀଙ୍କ ସ୍କେଚ୍ ଜାରି କରାଯାଇଥିଲା ଓ ତାଙ୍କ ମୁଣ୍ଡରେ ୫ ଲକ୍ଷ ଟଙ୍କାର ନଗଦ ପୁରସ୍କାର ଘୋଷଣା କରାଯାଇଥିଲା। ଡୋଡାରେ ଜୁନ୍ରେ ବହୁ ଆତଙ୍କବାଦୀ ଘଟଣା ଘଟିଛି।
ଡୋଡା ପୋଲିସ ନିଜ ଅଫିସିଆଲ ଏକ୍ସ ପୋଷ୍ଟରେ ଏହି ଆତଙ୍କବାଦୀଙ୍କ ସ୍କେଚ୍ ଜାରି କରିଛି। ଜମ୍ମୁ-କଶ୍ମୀର ଜିଲ୍ଲା ପୋଲିସ ନିକଟରେ ଡୋଡାରେ ହୋଇଥିବା ଆତଙ୍କବାଦୀ ଆକ୍ରମଣ ଘଟଣାରେ ସାମିଲ ତିନି ଆତଙ୍କବାଦୀଙ୍କ ସ୍କେଚ୍ ଜାରି କରିଛି। ପୋଲିସ ଏହି ତିନି ଜଣଙ୍କ ଭିତରୁ କୌଣସି ଜଣେ ବି ଆତଙ୍କବାଦୀଙ୍କ ବିଷୟରେ ସୂଚନା ଦେଇପାରିଲେ ତାଙ୍କୁ ୫ଲକ୍ଷ ଟଙ୍କାର ପୁରସ୍କାର ଦେବ ବୋଲି ଘୋଷଣା କରିଛି।
ଡୋଡା ପୋଲିସ ମୁଖପାତ୍ର ସୂଚନା ଦେଇ କହିଛନ୍ତି, ଏହି ୩ ଆତଙ୍କବାଦୀ ଉପର ଅଞ୍ଚଳ ବିଶେଷ ଭାବରେ ଜଙ୍ଗଲରେ ବୁଲୁଛନ୍ତି। ଗତ ୧୬ ଜୁଲାଇରେ ଆତଙ୍କବାଦୀ ବିରୋଧି ଅଭିଯାନ ବେଳେ ଗୁଳିମାଡରେ ଜଣେ କ୍ୟାପଟେନ୍ ଓ ୩ ଜଣ ଯବାନ ଶହୀଦ ହୋଇଥିଲେ।