ମୁମ୍ବାଇ, ୧୨/୧ : ଆଇପିଏଲ୍ ୨୦୨୫ର ଆରମ୍ଭ ୧୪ମାର୍ଚ୍ଚରୁ ହେବାକୁ ଥିଲା । କିନ୍ତୁ ଏବେ ଟୁର୍ଣ୍ଣାମେଣ୍ଟ ବିଳମ୍ବରେ ଆରମ୍ଭ ହେବ । ଭାରତୀୟ କ୍ରିକେଟ କଣ୍ଟେ୍ରାଲ ବୋର୍ଡ଼ର ଉପାଧ୍ୟକ୍ଷ ରାଜୀବ ଶୁକ୍ଳା କହିଛନ୍ତି କି ଆଇପିଏଲର ଆଗାମୀ ସିଜନର ତାରିଖରେ ପରିବର୍ତ୍ତନ କରାଯାଇଛି । ଏବେ ଆଇପିଏଲ୍ ୨୦୨୫ର ଆରମ୍ଭ ୨୩ମାର୍ଚ୍ଚରୁ ହେବ । କିନ୍ତୁ ଏବେ ପର୍ଯ୍ୟନ୍ତ ପ୍ଲେଅଫ ଏବଂ ଫାଇନାଲ ମ୍ୟାଚ ତାରିଖ ଜଣାପଡ଼ିନାହିଁ । ଆଇପିଏଲର ନୂଆ ସିଡ୍ୟୁଲ ଉପରେ ଖୁବଶୀଘ୍ର କାମ ଆରମ୍ଭ ହେବ ।
ବିସିସିଆଇ ନିକଟରେ ମୁମ୍ବାଇ ହେଡକ୍ବାର୍ଟରରେ ମିଟିଂ କରିଥିଲା । ଏଥିରେ କେତେକ ମୁଖ୍ୟ ମୁଦ୍ଦା ଉପରେ ଚର୍ଚ୍ଚା ହୋଇଥିଲା । ଏବେ ଆଗାମୀ ମିଟିଂ ୧୮କିମ୍ବା ୧୯ଜାନୁଆରୀରେ ହୋଇପାରେ । ଏଥିରେ ଚାମ୍ପିୟନ୍ସ ଟ୍ରଫିକୁ ଲାଗି ଟିମ୍ ଇଣ୍ଡିଆର ସ୍କ୍ବାର୍ଡ଼ ଫାଇନାଲ କରାଯିବ । ଏହାସହ ଆଇପିଏଲକୁ ନେଇ ବି ଚର୍ଚ୍ଚା ହୋଇପାରେ । ସୂଚନା ମୁତାବକ ଆଇପିଏଲ୍ ୨୦୨୫ର ତାରିଖ ପରିବର୍ତ୍ତନ କରି ୨୩ମାର୍ଚ୍ଚ କରାଯାଇଛି । ଟୁର୍ଣ୍ଣାମେଣ୍ଟ ଏବେ ଟିକେ ବିଳମ୍ବରେ ଆରମ୍ଭ ହେବ ।
ପ୍ରକାଶ ଯେ, ଚାମ୍ପିୟନ୍ସ ଟ୍ରଫିର ଫାଇନାଲ ମ୍ୟାଚ୍ ୯ମାର୍ଚ୍ଚରେ ଖେଳାଯିବ । ଯାହାକି ଟୁର୍ଣ୍ଣାମେଣ୍ଟର ପ୍ରଥମ ସେମିଫାଇନାଲ ୪ମାର୍ଚ୍ଚ ଏବଂ ଦ୍ବିତୀୟ ସେମିଫାଇନାଲ ୫ମାର୍ଚ୍ଚରେ ଖେଳାଯିବ । ଏହି ବୈଠକ ପରେ ୧୪ମାର୍ଚ୍ଚରୁ ଆଇପିଏଲ୍ ଆରମ୍ଭ ହେବାକୁ ଥିଲା । ଏହି କାରଣରୁ ଖେଳାଳୀଙ୍କୁ ଅଧିକ ବ୍ରେକ ମିଳିପାରିନଥାନ୍ତା । ଆଇପିଏଲରେ କେତେକ ବିଦେଶୀ ଖେଳାଳୀ ବି ଭାଗ ନେବେ । ଯାହାକି ମାର୍ଚ୍ଚରେ ପାକିସ୍ତାନ ଏବଂ ୟୁଏଇରେ ଚାମ୍ପିୟନ୍ସ ଟ୍ରଫି ହେବ । ପ୍ରକାଶ ଯେ ତାଙ୍କୁ ଆରାମ୍ ମିଳିପାରିନଥାନ୍ତା। ତେବେ ଆଇପିଏଲର ତାରିଖ କାହିଁକି ପରିବର୍ତ୍ତନ ହେଲା ଏହାକୁ ନେଇ କୌଣସି ପ୍ରକାରର ଅଫିସିଆଲ ସୂଚନା ମିଳିପାରିନାହିଁ ।
