ଲକ୍ଷ୍ନୌ, ୨୦/୦୫: ସନ୍ରାଇଜର୍ସ ହାଇଦ୍ରାବାଦର ପେସ୍ ବୋଲର ହର୍ଷଲ ପଟେଲ ଆଇପିଏଲ୍ରେ ୧୫୦ ୱିକେଟ୍ କ୍ଲବ୍ରେ ସାମିଲ୍ ହୋଇଛନ୍ତି । ଲକ୍ଷ୍ନୌ ସୁପରଜାଏଣ୍ଟ୍ସ ବିପକ୍ଷ ମ୍ୟାଚ୍ରେ ସେ ଆଡେନ ମାରକ୍ରମକୁ ଆଉଟ୍ କରି ଏହି ମାଇଲଖୁଣ୍ଟ ଛୁଇଁଛନ୍ତି । ଏଥିସହ ହର୍ଷଲ ଭାରତୀୟ ବୋଲର ଭାବେ ଦ୍ରୁତତମ ୧୫୦ ୱିକେଟ୍ ନେବାରେ ରେକର୍ଡ଼ ସ୍ଥାପନ କରିଛନ୍ତି । ପୂର୍ବରୁ ସ୍ପିନର ୟୁଝବେନ୍ଦ୍ର ଚହଲଙ୍କ ନାମରେ ଏହି ରେକର୍ଡ଼ ରହିଥିଲା । ସେ ୧୧୮ଟି ମ୍ୟାଚ୍ ଖେଳି ୧୫୦ ୱିକେଟ୍ ପୂରଣ କରିଥିଲେ । ହର୍ଷଲଙ୍କୁ ଏହି କ୍ଲବ୍ରେ ସାମିଲ୍ ହେବା ପାଇଁ ୧୧୪ଟି ଇନିଂସ୍ ଲାଗିଥିଲା ।
ଆଇପିଏଲ୍ରେ ଦ୍ରୁତତମ ୧୫୦ ୱିକେଟ୍ ରେକର୍ଡ଼ ମୁମ୍ବାଇ ଇଣ୍ଡିଆନ୍ସ ତଥା ଶ୍ରୀଲଙ୍କାର ପୂବତନ ପେସ୍ ବୋଲର ଲାସିଥ ମାଲିଙ୍ଗାଙ୍କ ନାମରେ ରହିଛି । ସେ ୧୦୫ଟି ମ୍ୟାଚ୍ ଖେଳି ଏହି ରେକର୍ଡ଼ ସ୍ଥାପନ କରିଥିଲେ । ଅନ୍ୟମାନଙ୍କ ମଧ୍ୟରେ ଗୁଜରାଟ ଟାଇଟନ୍ସ ପକ୍ଷରୁ ଖେଳୁଥିବା ଆଫଗାନିସ୍ତାନ ସ୍ପିନର ରସିଦ ଖାନ (୧୨୨ଟି ମ୍ୟାଚ୍) ଓ ମୁମ୍ବାଇ ଇଣ୍ଡିଆନ୍ସର ଷ୍ଟାର୍ ପେସ୍ ବୋଲର ଯଶପ୍ରୀତ ବୁମରା (୧୨୪ଟି ମ୍ୟାଚ୍) ଯଥାକ୍ରମେ ତାଲିକାରେ ଚତୁର୍ଥ ଓ ପଞ୍ଚମ ସ୍ଥାନରେ ରହିଛନ୍ତି ।
