ନୂଆଦିଲ୍ଲୀ,୨୪/୧୧: ଦକ୍ଷିଣ ଆଫ୍ରିକାର ଦ୍ରୁତ ବୋଲର କାଗିସୋ ରାବାଡାଙ୍କ ଉପରେ ଗୁଜୁରାଟ ଟାଇଟାନ୍ସ ଏକ ବଡ଼ ନିଲାମୀ ଡାକିଥିଲା। ତେବେ ରାବଡାଙ୍କୁ ଗୁଜୁରାଟ ୧୦.୭୫ କୋଟିରେ କିଣିଛି। ରାବାଡାଙ୍କ ମୂଳ ମୂଲ୍ୟ ଅର୍ଥାତ୍ ବେସ୍ ପ୍ରାଇସ୍ ୨ କୋଟି ଟଙ୍କା ଥିଲା। ସେ ପୂର୍ବରୁ ପଞ୍ଜାବ କିଙ୍ଗ୍ସରେ ଥିଲେ। କିନ୍ତୁ ପଞ୍ଜାବ ତାଙ୍କୁ ବାହାର କରିଥିଲା। ଏଥର ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟ ଆଇପିଏଲ ୨୦୨୫ ର ମେଗା ନିଲାମରେ ରାବାଡାଙ୍କୁ କିଣିବାକୁ ଚେଷ୍ଟା କଲା। କିନ୍ତୁ ସେମାନେ ବିଫଳ ହୋଇଥିଲେ।
ରାବଡା ମୂଳ ମୂଲ୍ୟ ୨ କୋଟି ଟଙ୍କାରେ ନିଲାମର ସାମିଲ ହୋଇଥିଲେ। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ତାଙ୍କ ଉପରେ ପ୍ରଥମ ବିଡ୍ କରିଥିଲା। ଯଦିଓ ଆରସିବି ଶେଷ ପର୍ଯ୍ୟନ୍ତ ୧୦.୫୦ କୋଟି ଟଙ୍କା ପର୍ଯ୍ୟନ୍ତ ଟେଣ୍ଡର କରିଥିଲା କିନ୍ତୁ ଶେଷରେ ଗୁଜରାଟ ଜିତିଲା। ଗୁଜୁରାଟ ତାଙ୍କୁ ୧୦.୭୫ କୋଟିରେ କିଣିଛି। ରାବାଡାଙ୍କ ରେକର୍ଡ ଏପର୍ଯ୍ୟନ୍ତ ଉତ୍କୃଷ୍ଟ ରହିଛି।
