ନୂଆଦିଲ୍ଲୀ : ତିରୁପତିର ପ୍ରସିଦ୍ଧ ଲଡୁରେ ଅପମିଶ୍ରଣର ମାମଲା ଖୁବ୍ ଚର୍ଚ୍ଚା ପାଲଟିଛି। ଏକ ଯାଞ୍ଚରେ ଜଣାପଡ଼ିଛି ଯେ , ଲଡୁରେ ପଶୁ ଚର୍ବି ବ୍ୟବହାର କରାଯାଇଛି, ଯେଉଁଥିରେ ବିବାଦ ଆହୁରି ବଢି ଯାଇଛି। ଏହି ସ୍ଥିତିକୁ ନଜରରେ ରଖି ତିରୁପତି ମନ୍ଦିର ପ୍ରଶାସନ –ତିରୁମାଳା ତିରୁପତି ଦେବସ୍ଥାନମ୍ (ଟିଟିଡି) ଏକ ମହତ୍ତ୍ୱପୂର୍ଣ୍ଣ ପଦକ୍ଷେପ ଉଠାଇବାକୁ ନିଷ୍ପତ୍ତି ନେଇଛି।
ଟିଟିଡି ଏବେ ନିଜର ଇନ-ହାଉସ୍ ହାଇ-ଟେକ୍ ଟେଷ୍ଟିଂ ମେସିନ୍ର ବ୍ୟବହାର କରିବ, ଯାହା ଲଡୁ ପ୍ରସ୍ତୁତ କରିବା ପାଇଁ ବ୍ୟବହୃତ ଘିଅର ଗୁଣବତ୍ତା ଓ ଶୁଦ୍ଧତାର ପରୀକ୍ଷା କରିବ। ଏହି ମେସିନ୍ ରାଷ୍ଟ୍ରୀୟ ଡାଏରୀ ବିକାଶ ବୋର୍ଡ ଦ୍ୱାରା ଦାନ କରାଯିବ ଏବଂ ଏହା ଡିସେମ୍ୱର-ଜାନୁୟାରୀ ସୁଦ୍ଧା ସ୍ଥାପିତ ହେବାର ଆଶା ରହିଛି।
ନ୍ୟୁଜ୍ -୧୮ର ରିପୋର୍ଟ ଅନୁସାରେ , ଟିଟିଡି ପାଖରେ ପ୍ରଥମରୁ ହିଁ ଏକ ଲ୍ୟାବ୍ ଟେଷ୍ଟିଂ ୟୁନିଟ୍ ଅଛି , କିନ୍ତୁ ନୂଆ ମେସିନ୍ ଅନେକ ମାନଦଣ୍ଡକୁ କଭର କରିବ , ଯାହାକି ଲଡୁର ଶୁଦ୍ଧତା ସୁନିଶ୍ଚିତ ହୋଇପାରିବ। ଟିଟିଡିର କାର୍ଯ୍ୟକାରୀ ଅଧିକାରୀ ଶ୍ୟାମଲା ରାଓ କହିଛନ୍ତି କି, ଉଚ୍ଚସ୍ତରୀୟ ଟେଷ୍ଟିଂ ପାଇଁ ମେସିନ୍ର ଆମଦାନୀ କରାଯିବ ଏବଂ ଏହି ପ୍ରକ୍ରିୟା ଆରମ୍ଭ ହୋଇ ସାରିଛି। ଘିଅ ଓ ଅନ୍ୟ କଞ୍ଚା ମାଲର ନମୂନାର ଟେଷ୍ଟିଂ କରାଯିବ। ଯଦି ଇନ-ହାଉସ୍ ଟେଷ୍ଟରେ ଅସଫଳତା ମିଳେ , ତ ନମୂନା ବାହାର ଲ୍ୟାବ୍କୁ ପଠାଯିବ।
ଉଲ୍ଲେଖନୀୟ ଯେ, ୪ଟି ନମୂନାରେ ପଶୁଙ୍କ ଚର୍ବି ଥିବାର ଜଣାପଡ଼ି ଥିଲା। ରାଓ କହିଛନ୍ତି , ଏହି ୪ଟି ରିପୋର୍ଟରେ ସମାନ ଫଳାଫଳ ମିଳିଛି ଏବଂ ତୁରନ୍ତ ସପ୍ଲାଇ ରୋକି ଦିଆ ଯାଇଛି। ଏହାସହ ଠିକାଦାରକୁ ବ୍ଲାକଲିଷ୍ଟ କରିବାର ପ୍ରକ୍ରିୟା ମଧ୍ୟ ଆରମ୍ଭ ହୋଇ ଯାଇଛି। ଟିଟିଡିର କାର୍ଯ୍ୟକାରୀ ଅଧିକାରୀ ସ୍ପଷ୍ଟ କରିଛନ୍ତି କି ଘିଅର ସପ୍ଲାଇ କରୁଥିବା ବ୍ୟକ୍ତିଙ୍କ ପାଇଁ ଏକ ଦୃଢ ପ୍ରକ୍ରିୟା ଆପଣା ଯାଇଥାଏ ଏବଂ ଏହି ବିବାଦ ପରେ ସେ ବିଶେଷଜ୍ଞ କମିଟିର ସୁପାରିଶ ଆଧାରରେ ନୂଆ ଟେଣ୍ଡର ଜାରି କରିବେ।
