ନୂଆଦିଲ୍ଲୀ,୨୧।୯: ଆମେରିକାରେ ଭାରତୀୟ ଦୂତାବାସ ଅଧିକାରୀଙ୍କ ରହସ୍ୟଜନକ ମୃତ୍ୟୁ। ଓ୍ବାଶିଂଟନ୍ ଡିସିରେ ଥିବା ଏମ୍ବାସି ପରିସରରୁ ମିଳିଲା ମୃତ ଦେହ। ଅଧିକାରୀଙ୍କ ମୃତଦେହ ମିଳିବା ନେଇ ସୃଷ୍ଟି ହୋଇଛି ହଇଚଇ। ଶୁକ୍ରବାର ସୂଚନା ମିଳିଥିବା ବେଳେ ଘଟଣା ଦୁଇ ଦିନ ପୂର୍ବରୁ ଅର୍ଥାତ୍ ବୁଧବାର ଘଟିଛି। ଏହି ମାମଲାରେ ସ୍ଥାନୀୟ ପୋଲିସ ଓ ସିକ୍ରେଟ ସର୍ଭିସ୍ ତଦନ୍ତ ଆରମ୍ଭ କରିଛି।
ଓ୍ବାଶିଂଟନ୍ ଡିସିରେ ଭାରତୀୟ ଦୂତାବାସ ଅଧିକାରୀଙ୍କ ମୃତ୍ୟୁ। ରହସ୍ୟଜନକ ଭାବରେ ଏମ୍ବାସି ଭିତରୁ ମିଳିଛି ମୃତଦେହ। ଦୂତାବାସ ଅଧିକାରୀଙ୍କ କେଉଁ କାରଣରୁ ମୃତ୍ୟୁ ହୋଇଛି ସେ ନେଇ କିଛି ସ୍ପଷ୍ଟ ହୋଇଛି।ଏହା ହତ୍ୟା ନା ଆତ୍ମହତ୍ୟା ସେ ଦିଗରେ ମଧ୍ୟ ତଦନ୍ତ ଚାଲିଛି। ଭାରତୀୟ ଦୂତାବାସ ପକ୍ଷରୁ କୁହାଯାଇଛି, ଏହା ଅତ୍ୟନ୍ତ ଦୁଃଖର ବିଷୟ। ସେପ୍ଟେମ୍ବର ୧୮ ତାରିଖ ସନ୍ଧ୍ୟାରେ ଭାରତୀୟ ଦୂତାବାସର ଜଣେ ସଦସ୍ୟଙ୍କ ମୃତ୍ୟୁ ହୋଇଛି। ଭାରତକୁ ତାଙ୍କ ମୃତଦେହ ପଠାଇବା ପାଇଁ ଆମେ ସମସ୍ତ ସଂପୃକ୍ତ ଏଜେନ୍ସି ଏବଂ ପରିବାର ସଦସ୍ୟଙ୍କ ସହ ଯୋଗାଯୋଗରେ ଅଛୁ। ପରିବାରର ଗୋପନୀୟତାକୁ ଦୃଷ୍ଟିରେ ରଖି ମୃତକଙ୍କ ବିଷୟରେ ଅଧିକ ସୂଚନା ଦିଆଯାଉ ନାହିଁ।
ଏଭଳି ଏକ ଘଟଣା ସେ ସମସୟରେ ଘଟିଛି, ଯେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଆମେରିକା ଗସ୍ତରେ ଅଛନ୍ତି। ଏହି ଗସ୍ତରେ ମୋଦି କ୍ୱାଡ ଶିଖର ସମ୍ମିଳନୀରେ ଯୋଗଦେବା ସହ 'ମିଳିତ ଜାତିସଂଘ ସାଧାରଣ ସଭା'କୁ ସମ୍ବୋଧିତ କରିବେ।
