ୱାଶିଂଟନ – ଆମେରିକାରେ ମଧ୍ୟ ଲୋକଙ୍କ ମଧ୍ୟରେ ଯୋଗର ନିଶା ଖୁବ୍‌ ବଢି ଯାଇଛି। ୱାଶିଂଟନରେ ଭାରତୀୟ ଦୂତାବାସ ପକ୍ଷରୁ ବୁଧବାର ଅନ୍ତରାଷ୍ଟ୍ରୀୟ ଯୋଗ ଦିବସ ପାଳିତ ହୋଇଥିଲା। ଏହି ସମୟରେ ଶହ ଶହ ଲୋକ ଏହି କାର୍ଯ୍ୟକ୍ରମରେ ପ୍ରବଳ ଉତ୍ସାହର ସହ ଯୋଗ ଦେଇ ଥିଲେ। ଯୋଗ ଓ ଧ୍ୟାନ ପର୍ଯ୍ୟାୟରେ ବିଭିନ୍ନ ସାଂପ୍ରଦାୟିକ ସଙ୍ଗଠନ ଯୋଗ ଦେଇ ଏଥିର ବିଶେଷତ୍ୱ ବିଷୟରେ ଜାଣିଲେ। କାର୍ଯ୍ୟକ୍ରମକୁ ଆମେରିକାରେ ଭାରତର ଡେପୁଟି ଆମ୍ୱାସାଡାର ଶ୍ରୀପ୍ରିୟା ରଙ୍ଗନାଥନ ସମ୍ୱୋଧିତ କରିଥିଲେ। 

ଉକ୍ତ ଯୋଗ କାର୍ଯ୍ୟକ୍ରମଟି ପୋଟୋମ୍ୟାକ୍‌ ନଦୀ କୂଳରେ ସୁରମ୍ୟ ଘାଟରେ ଆୟୋଜନ କରାଯାଇ ଥିଲା। ଅନ୍ତରାଷ୍ଟ୍ରୀୟ ଯୋଗ ଦିବସ କାର୍ଯ୍ୟକ୍ରମର ଆରମ୍ଭ ପ୍ରାର୍ଥନା ଓ ଭାରତୀୟ ଶାସ୍ତ୍ରୀୟ ନୃତ୍ୟ ସହ ହୋଇଥିଲା। ଯୋଗ ପର୍ଯ୍ୟାୟ ଭାରତର ଇତିହାସ ସହ ଲୋକଙ୍କୁ ସମ୍ମୁଖୀନ କରାଇଲା। ଏହା ମାଧ୍ୟମରେ ମଧ୍ୟ ଲୋକଙ୍କୁ ଭାରତର ଏକତା ଓ ସଦଭାବନା ବିଷୟରେ ପରିଚିତ କରାଗଲା। 

ଉଲ୍ଲେଖନୀୟ ଯେ, ଅନ୍ତରାଷ୍ଟ୍ରୀୟ ଯୋଗ ଦିବସ ପ୍ରତି ବର୍ଷ ୨୧ ଜୁନ୍‌ରେ ପାଳନ କରାଯାଏ। ଚଳିତ ବର୍ଷର ଥିମ୍‌ ‘ସ୍ୱୟଂ ଓ ସମାଜ ପାଇଁ ଯୋଗ’ । କାର୍ଯ୍ୟକ୍ରମରେ ରଙ୍ଗନାଥନ କହିଥିଲେ କି, ଯୋଗ ସମାଜର ଉଜ୍ଜ୍ୱଳ ଭବିଷ୍ୟତ ପାଇଁ ସଦ୍‌ଭାବ ଓ ସନ୍ତୁଳନ ବଜାୟ ରଖିବାର ମାର୍ଗକୁ ପ୍ରଶସ୍ତ କରିଥାଏ। ଏଥିପାଇଁ ୧୧ ଡିସେମ୍ୱର ୨୦୧୪ରେ ସଂଯୁକ୍ତ ରାଷ୍ଟ୍ର ମହାସଂଘ ୨୧ ଜୁନ୍‌ରେ ଅନ୍ତରାଷ୍ଟ୍ରୀୟ ଯୋଗ ଦିବସ ଭାବେ ଘୋଷଣା କରିଥିଲା।