ରାଞ୍ଚି,୨୪/୦୨: ଭାରତ-ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ର ଚତୁର୍ଥ ମ୍ୟାଚ୍ ରାଞ୍ଚିରେ ଖେଳାଯାଇଛି। ଶନିବାର ମୁକାବିଲାର ଦ୍ବିତୀୟ ଦିନ ଥିଲା। ତେବେ ଦ୍ବିତୀୟ ଦିନରେ ଇଂଲଣ୍ଡର ଦବଦବା ରହିଥିଲା। ଇଂଲଣ୍ଡର ୩୫୩ ରନ୍ର ଜବାବରେ ଭାରତର ପ୍ରଥମ ପାଳିରେ ଅବସ୍ତା ଶୋଚନୀୟ ଥିଲା। ଷ୍ଟମ୍ପ ଅପସାରଣ ସୁଦ୍ଧା ଭାରତ ୭୩ ଓଭରରେ ୭ ଓ୍ବିକେଟ ହରାଇ ୨୧୯ ରନ୍ କରିଛି। ଧ୍ରୁବ୍ ଜୁରେଲ ଏବଂ କୁଲଦୀପ ଯାଦବ ଭାରତୀୟ ଦଳ ପାଇଁ ସଙ୍କଟମୋଚକ ସାଜିଥିଲେ। ଉଭୟ ଆଠ ଓ୍ବିକେଟ ସୁଦ୍ଧା ୪୨ ରନ୍ ପାର୍ଟନରସିପ୍ କରିଥିଲେ। ଜୁରେଲ ୨୦ ଏବଂ କୁଲଦୀପ ୧୭ ରନ୍ କରି ଅପରାଜିତ ରହିଥିଲେ।
ସେପଟେ ଭ୍ରମଣକାରୀ ଇଂଲଣ୍ଡର ୩୫୩ ରନ୍ରେ ଗୁରୁତ୍ବପୂର୍ଣ୍ଣ ଯୋଜଦାନ ଜୋ ରୁଟ୍ ଦେଇଛନ୍ତି। ସେ ୧୨୨ ରନ୍ର ଶତକୀୟ ପାଳି ଖେଳିଥିଲେ। ଭାରତ ପକ୍ଷରୁ ରବିନ୍ଦ୍ର ଜାଡ଼େଜା ସର୍ବାଧିକ ୪ ଓ୍ବିକେଟ ହାସଲ କରିଥିବା ବେଳେ, ସେପଟେ ଆକାଶଦୀପଙ୍କୁ ୩ଟି ସଫଳତା ମିଳିଥିଲା। ଇଂଲିସ ଟିମ୍ ଦ୍ବିତୀୟ ଦିନ ଆରମ୍ଭ ୭ ଓ୍ବିକେଟ ବିନିମୟରେ ୩୦୨ ରନ୍ରୁ ଆରମ୍ଭ କରିଥିଲା। ଦ୍ବିତୀୟ ଦିନ ଭ୍ରମଣକାରୀ ଦଳ ୫୧ ରନ୍ ଯୋଡ଼ି ପାରିଥିଲା। ଭାରତକୁ ଶେଷ ତିନୋଟି ବିଜୟ ରବିନ୍ଦ୍ର ଜାଡ଼େଜା ଦେଇଛନ୍ତି। ଜାଡ଼ୁ ପ୍ରଥମେ ରୁଟ୍-ରବିନ୍ସନ୍ଙ୍କ ଶତକୀୟ ଭାଗିଦାରୀକୁ ଭାଙ୍ଗିଥିଲେ। ରବିନ୍ସନ୍ ୫୮ ରନ୍ରେ ଆଉଟ୍ ହୋଇଥିଲେ। ଏହା ପରେ ଜାଡ଼େଜା ଶୋଏବ୍ ବସିର୍ ଏବଂ ଜେମ୍ସ ଆଣ୍ଡ୍ରସନ୍ଙ୍କୁ ପାଭିଲିୟନ ପଠାଇଥିଲେ।
You can also read: ଚେତାବନୀ ସତ୍ତ୍ୱେ ମାନିଲେନି ! ବିସିସିଆଇ କେନ୍ଦ୍ରୀୟ ଚୁକ୍ତିରୁ ବାଦ ପଡ଼ିବେ କିଷନ, ଆୟର
