କଟକ,୦୯/୦୨: ସୁପର ସନଡେରେ ସୁପର ଫାଇଟ୍ । କମ୍ପୁଛି କଟକ ଦୁଲୁକୁଛି ବାରବାଟୀ । ଇଣ୍ଡିଆ ଇଣ୍ଡିଆ ଚିୟରଅଫରେ ଫାଟିପଡୁଛି ଷ୍ଟାଡିୟମ । ଦର୍ଶକଙ୍କ ଖଚାଖଚ ଭିଡରେ ବ୍ଲୁ ବ୍ଲୁ ହୋଇଛି ବାରବାଟୀ । କଟକ ବାରବାଟୀ ଷ୍ଟାଡିୟମରେ ଭାରତ ଓ ଇଂଲଣ୍ଡ ମଧ୍ୟରେ ଦ୍ବିତୀୟ ଦିନିକିଆ ଆରମ୍ଭ ହୋଇଛି । ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛି ଇଂଲଣ୍ଡ । ପ୍ରଥମେ ବୋଲିଂ କରିବ ଭାରତ । ନାଗପୁରରେ ଖେଳାଯାଇଥିବା ପ୍ରଥମ ଦିନିକିଆ ଜିତିଥିଲା ଭାରତ । ବର୍ତ୍ତମାନ ୩ ମ୍ୟାଚ ବିଶିଷ୍ଟ ସିରିଜ ୧-୦ ସ୍ଥିତିରେ ରହିଛି । ଦ୍ବିତୀୟ ଦିନିକିଆ ଜିତି ଆଗୁଆ ସିରିଜ କବଜା କରିବା ଲକ୍ଷ୍ୟରେ ରହିଛି ଭାରତ । ସେପଟେ ସିରିଜରେ ତିଷ୍ଠିବାକୁ ପ୍ରୟାସ କରିବ ବଟଲର ବାହିନୀ ।
🚨 Toss 🚨#TeamIndia have been put into bowl first 👍
— BCCI (@BCCI) February 9, 2025
Updates ▶️ https://t.co/NReW1eEQtF#INDvENG | @IDFCFIRSTBank pic.twitter.com/4tmuipNAO0
ବାରବାଟୀରେ ଖେଳିବେନି ଯଶ୍ବସୀ ଖେଳିବେ ବିରାଟ- ଅପରାହ୍ନ ୧ଟାରେ ଟସ୍ ପଡିଥିଲା । ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛି ବଟଲର ବାହିନୀ । ବୋଲିଂ କରିବ ଭାରତ । ଭାରତୀୟ ଦଳରେ ଦୁଇଟି ପରିବର୍ତ୍ତନ ହୋଇଛି । ଭାରତୀୟ ସ୍କ୍ବାର୍ଡକୁ ଫେରିଛନ୍ତି ବିରାଟ କୋହଲି । ଯସ୍ବସୀ ଜୈସ୍ବାଲଙ୍କ ସ୍ଥାନରେ ସାମିଲ ହୋଇଛନ୍ତି ବିରାଟ କୋହଲି । ନାଗପୁରରେ ଖେଳାଯାଇଥିବା ପ୍ରଥମ ଦିନିକିଆ ଖେଳି ନଥିଲେ ବିରାଟ କୋହଲି । ଆହତ ସମସ୍ୟା ପାଇଁ ପ୍ରଥମ ଦିନିକିଆ ଖେଳିନଥିଲେ । ଦ୍ବିତୀୟ ଦିନିକିଆ ଖେଳିବା ନେଇ ଅଧିକ ସମ୍ଭାବନା ଥିଲା । ଗତକାଲି ସେ ଫ୍ରାକ୍ଟିସ ମଧ୍ୟ କରିଥିଲେ । ସେହିପରି ବୋଲିଂରେ କୁଳଦୀପ ଯାଦବଙ୍କ ସ୍ଥାନରେ ବରୁଣ ଚକ୍ରବର୍ତ୍ତୀଙ୍କୁ ସୁଯୋଗ ମିଳିଛି । କୁଳଦୀପଙ୍କୁ ବିଶ୍ରାମ ଦିଆଯାଇଛି । ବରୁଣ ଦିନିକିଆରେ ଡେବ୍ୟୁ କରିଛନ୍ତି । ସେପଟେ ଇଂଲଣ୍ଡ ମଧ୍ୟ ତା ଦଳରେ ୩ଟି ପରବର୍ତ୍ତନ କରିଛି । ମାର୍କ ଉଡ୍, ଜାକବ ବେଥେଲ ଓ ହ୍ୟାରୀ ବ୍ରୁକ୍ ବଟଲର ବାହିନୀରେ ସାମିଲ ହୋଇଛନ୍ତି । ବଟାବାଟୀରେ କଳାମାଟିରେ ହେବ ଜବରଦସ୍ତ ଲଢେଇ ।
ଏହା ବି ପଢନ୍ତୁ...ବାରବାଟୀ ଲଢ଼େଇ, ସତ୍ୟଜିତ୍ଙ୍କ ହେୟାର ଷ୍ଟାଇଲ୍ରେ କ୍ରିକେଟ୍ କ୍ରେଜ୍
ପୂର୍ବାହ୍ନ ୧୧ଟାରେ ଦୁଇ ଦଳର ଖେଳାଳି ଭୁବନେଶ୍ବରରୁ ବାରବାଟୀ ଅଭିମୁଖେ ବାହାରିଥିଲେ । ପ୍ରଥମେ ଇଂଲଣ୍ଡ ପରେ ଭାରତୀୟ ଟିମ୍ ପହଞ୍ଚିଥିଲେ । ଷ୍ଟାଡିୟମ ବାହାରେ ଟିମ୍ ଇଣ୍ଡିଆ ପହଞ୍ଚିବା ପରେ ଫ୍ୟାନ୍ସ ଚିୟରଅଫ କରିଥିଲେ । ଭାରତ-ଇଂଲଣ୍ଡ ମହାଲଢେଇ ଦେଖିବାକୁ ଦର୍ଶକଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ଷ୍ଚାଡିୟମ ବାହାରେ ଓ ଭିତରେ ଦର୍ଶକଙ୍କ ପ୍ରବଳ ଗହଳି ହୋଇଛି । ବ୍ଲୁ ପୋଷାକ ପିନ୍ଧି ଭାରତୀୟ ଖେଳାଳିଙ୍କୁ ଚିୟରଅଫ କରିଥିଲେ ଫ୍ୟାନ୍ସ । ବିଶେଷ କରି ରୋହିତ ଓ କୋହଲି ପ୍ରଦର୍ଶନ ଉପରେ ନଜର ରଖିଛନ୍ତି ଫ୍ୟାନ୍ସ । ନାଗପୁରରେ ବିଫଳ ହୋଇଥିବା ହିଟମ୍ୟାନଙ୍କ ଶୋ ବାଟବାଟୀରେ ଦେଖିବା ଅପେକ୍ଷାରେ ଦର୍ଶକ ।
Today's Playing XI 🙌
— BCCI (@BCCI) February 9, 2025
2️⃣ Changes for #TeamIndia
Updates ▶️ https://t.co/NReW1eEiE7#INDvENG | @IDFCFIRSTBank pic.twitter.com/5nTl3lsh4r
ଭାରତୀୟ ଚୂଡାନ୍ତ ଏକାଦଶ- ରୋହିତ ଶର୍ମା (ଅଧିନାୟକ), ଶୁଭମନ ଗିଲ୍ (ଉପ ଅଧିନାୟକ), ବିରାଟ କୋହଲି, ଶ୍ରେୟାସ ଆୟର, କେଏଲ୍ ରାହୁଲ (ୱିକେଟ କିପର), ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡ଼େଜା, ଅକ୍ଷର ପଟେଲ, ବରୁଣ ଚକ୍ରବର୍ତ୍ତୀ, ହର୍ଷିତ ରାଣା, ମହମ୍ମଦ ସାମି ।
ଇଂଲଣ୍ଡ ଚୂଡାନ୍ତ ଏକାଦଶ- ବେନ ଡକେଟ୍, ଫିଲପ ସଲ୍ଟ, ଜୋ ରୁଟ୍, ହ୍ୟାରୀ ବ୍ରୁକ୍, ଜୋସ ବଟଲର (ଅଧିନାୟକ), ଲାଏମ ଲିଭିଙ୍ଗଷ୍ଟୋନ, ଜାକବ ବେଥେଲ, ବ୍ରାଇଡନ କାର୍ସ, ଜୋଫ୍ରା ଆର୍ଚର, ଆଦିଲ ରସିଦ, ମାର୍କ ଉଡ୍ ।
