ନୂଆଦିଲ୍ଲୀ,୨୨/୦୬: ଟିମ୍‌ ଇଣ୍ଡିଆ ଆଗାମୀ ନଭେମ୍ବର ମାସ ଦକ୍ଷିଣ ଆଫ୍ରିକା ଗସ୍ତ କରି ୪ଟି ଟି-ଟ୍ୱେଣ୍ଟି ଖେଳିବ । ଆଜି  ବିସିସିଆଇ ଏବଂ କ୍ରିକେଟ୍‌ ଦକ୍ଷିଣ ଆଫ୍ରିକା  (ସିଏସ୍‌ଏ) ପକ୍ଷରୁ ଏହି ସିରିଜ ପାଇଁ  କ୍ରୀଡ଼ାସୂଚୀ ଘୋଷଣା କରାଯାଇଛି । ଉଭୟ  ଦଳ ମଧ୍ୟରେ ଆଗାମୀ ନଭେମ୍ବର ୮ ତାରିଖ  ଡର୍ବାନରେ ପ୍ରଥମ ଟି-ଟ୍ୱେଣ୍ଟି ଖେଳାଯିବ ।  ଏହାପରେ ୧୦ ତାରିଖ (ଗ୍ୱେବର୍ହା)ରେ  ଦ୍ୱିତୀୟ, ୧୩ ତାରିଖ (ସେଞ୍ଚୁରୀୟନ)ରେ  ତୃତୀୟ ଏବଂ ୧୬ ତାରିଖ (ଜୋହାନ୍ସବର୍ଗ) ରେ ଚତୁର୍ଥ ମ୍ୟାଚ୍‌ ଅନୁଷ୍ଠିତ ହେବ । 

୨୦୨୧ରେ ଭାରତୀୟ ଦଳ ଦକ୍ଷିଣ ଆଫ୍ରିକା  ଗସ୍ତରେ ଏକ ପୂର୍ଣ୍ଣାଙ୍ଗ ସିରିଜ ଖେଳିବାର  କାର୍ଯ୍ୟକ୍ରମ ରହିଥିଲା । ଟେଷ୍ଟ ଓ ଦିନିକିଆ  ସିରିଜ ଶେଷ ହେବା ପରେ କରୋନା ଭୂତାଣୁ  ସଂକ୍ରମଣ ଯୋଗୁଁ ୪ମ୍ୟାଚ୍‌ ବିଶିଷ୍ଟ ଟି-ଟ୍ୱେଣ୍ଟି  ସିରିଜକୁ ବାତିଲ କରାଯାଇଥିଲା । ଫଳରେ  ଦକ୍ଷିଣ ଆଫ୍ରିକା ବୋର୍ଡ଼କୁ ବହୁ କ୍ଷତି ସହିବାକୁ  ପଡ଼ିଥିଲା । ଉକ୍ତ କ୍ଷତିର ଭରଣା ପାଇଁ ଏହି  ସିରିଜକୁ ପୁନଃସୂଚୀରେ ଚଳିତ ବର୍ଷ ଆୟୋଜନ  କରାଯିବାକୁ ଉଭୟ ବୋର୍ଡ଼ ନିଷ୍ପତ୍ତି ନେଇଥିବା  ଜଣାପଡ଼ିଛି । ପୂର୍ବରୁ ୨୦୨୩ରେ ଭାରତର  ଦକ୍ଷିଣ ଆଫ୍ରିକା ଗସ୍ତରେ ଏହି ସିରିଜ ଆୟୋଜନ  ପାଇଁ ଉଭୟ ବୋର୍ଡ଼ ମଧ୍ୟରେ ଆଲୋଚନା  ହୋଇଥିଲା । ମାତ୍ର କ୍ରୀଡ଼ାସୂଚୀ ପାଇଁ ଉପଯୁକ୍ତ  ସମୟ ମିଳିନଥିଲା । ଏହି ଗସ୍ତରେ ଭାରତ  ୩ଟି ଟି-ଟ୍ୱେଣ୍ଟି, ୩ଟି ଦିନିକିଆ ଏବଂ ୨ଟି  ଟେଷ୍ଟ ଖେଳିଥିଲା । ଟି-ଟ୍ୱେଣ୍ଟି ଓ ଟେଷ୍ଟ ସିରିଜ  ୧-୧ରେ ଡ୍ର’ ହୋଇଥିବାବେଳେ ଭାରତ  ୨-୧ରେ ଦିନିକିଆ ସିରିଜ ବିଜୟୀ ହୋଇଥିଲା ।