ନୂଆଦିଲ୍ଲୀ,୦୮/୦୬: ଖୁବ୍‌ଶୀଘ୍ର ସରକାର ଦେଶରେ ସାଟେଲାଇଟ୍‌ଭିତ୍ତିକ ଟୋଲ୍‌ ସଂଗ୍ରହ ବ୍ୟବସ୍ଥା ଆରମ୍ଭ କରିବେ । ପ୍ରଥମେ ବାଣିଜ୍ୟିକ ଯାନଗୁଡ଼ିକ ପାଇଁ ଏ ବ୍ୟବସ୍ଥାକୁ କାର୍ଯ୍ୟକାରୀ କରାଯିବ । ପରେ ଘରୋଇ କାର, ଜିପ୍‌ ଏବଂ ଭ୍ୟାନ୍‌ଗୁଡ଼ିକ ପାଇଁ ପର୍ଯ୍ୟାୟକ୍ରମେ ଏହାକୁ ଲାଗୁ କରାଯିବ । ଦୁଇ ବର୍ଷ ମଧ୍ୟରେ ଦେଶବ୍ୟାପୀ ଟୋଲ୍‌ ସଂଗ୍ରହ ପାଇଁ ଗ୍ଲୋବାଲ ନାଭିଗେଶନ୍‌ ସାଟେଲାଇଟ୍‌ ସିଷ୍ଟମ୍‌(ଜିଏନ୍‌ଏସ୍‌ଏସ୍‌)କୁ ଲାଗୁ କରାଯିବ । ଟୋଲିଂ ଅପରେଶନ୍‌ର ଦକ୍ଷତା ବୃଦ୍ଧି ପାଇଁ ଏ  ଯୋଜନା କରାଯାଇଛି । 

ୟୁଜର ଯେତେ ଦୂରତ୍ୱ ଯାତ୍ରା କରିଛନ୍ତି  ସେତିକି ହିଁ ଟୋଲ୍‌ ଦେବେ, ତାହା ନିଶ୍ଚିତ କରିବା ପାଇଁ ଏ ବ୍ୟବସ୍ଥାକୁ କାର୍ଯ୍ୟକାରୀ କରାଯିବ । ପ୍ରକାଶଯୋଗ୍ୟ, ଗ୍ଲୋବାଲ  ନାଭିଗେଶନ୍‌ ସାଟେଲାଇଟ୍‌ ସିଷ୍ଟମ୍‌ଭିତ୍ତିକ ଟୋଲିଂ ହେଉଛି  ଇଲେକ୍ଟ୍ରୋନିକ୍ସ ଟୋଲ୍‌ ସଂଗ୍ରହର ଏକ ସମସ୍ୟାବିହିନ୍ନ ପଦ୍ଧତି । ଏହା ଅଧୀନରେ ସଡ଼କ ୟୁଜର ରାଜପଥର ଯେତିକି ଦୂର  ଯାତ୍ରା କରିଥିବେ, ସେତିକିର ହିଁ ଶୁଳ୍କ ପ୍ରଦାନ କରିବେ ।