ନୂଆଦିଲ୍ଲୀ,୨୩/୧୨: ଭାରତ ତାର ନିଷ୍ପତ୍ତିରେ କାହାକୁ ଭିଟୋର ଅନୁମତି ଦେବ ନାହିଁ । ଭାରତକୁ କେହି ଦବାଇ ପାରିବେ ନାହିଁ । ବିଶ୍ବର ମଙ୍ଗଳ ପାଇଁ ଜନତାଙ୍କ ହିତ ପାଇଁ ଯାହା ଠିକ୍ ତାହା ଭାରତ କରିବଜାତିସଂଘ ନିରାପତ୍ତା ପରିଷଦର ସ୍ଥାୟୀ ସଦସ୍ୟଙ୍କ ଦ୍ବାରା ବିଭିନ୍ନ ମାମଲାରେ ଭିଟୋ ପ୍ରୟୋଗ ନେଇ ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ବିଶ୍ବକୁ ଏହି ବାର୍ତ୍ତା ଦେଇଛନ୍ତି ।
ମୁମ୍ବାଇରେ ଆୟୋଜିତ ଏକ କାର୍ଯ୍ୟକ୍ରମକୁ ଭର୍ଚୁଆଲ ମାଧ୍ୟମରେ ସମ୍ବୋଧିତ କରି ଭିଟୋ କ୍ଷମତାକୁ ନେଇ ବିଶ୍ବକୁ ବାର୍ତ୍ତା ଦେଇ ଜୟଶଙ୍କର କହିଛନ୍ତି, ଭାରତ କେବେ ବି ଅନ୍ୟମାନଙ୍କୁ ନିଜ ନିଷ୍ପତ ଉପରେ ଭିଟୋ ପ୍ରୟୋଗ କରିବାକୁ ଅନୁମତି ଦେବ ନାହିଁ । ବିଶ୍ବର ମଙ୍ଗଳ ପାଇଁ ଜନତାଙ୍କ ହିତ ପାଇଁ ଯାହା ଠିକ୍ ତାହା ଭାରତ କରିବ । ସ୍ବାଧୀନତାକୁ ନିରପେକ୍ଷତା ସହ ଯୋଡି କେବେ ବି ଦ୍ବନ୍ଦରେ ପକାଇବା ଉଚିତ୍ ନୁହେଁ । ଆମର ଜାତୀୟ ସ୍ବାର୍ଥ ପାଇଁ ଯାହା ଠିକ୍ ତାହା ଆମେ ନିର୍ଭୟରେ କାର୍ଯ୍ୟକାରୀ କରିବୁ ।
ଜାତିସଂଘ ନିରାପତ୍ତା ପରିଷଦର ପାଞ୍ଚ ସ୍ଥାୟୀ ସଦସ୍ୟ ଚୀନ, ଫ୍ରାନ୍ସ,, ଋଷ, ବ୍ରିଟେନ ଏବଂ ଆମେରିକା ବର୍ତ୍ତମାନ ପ୍ରକ୍ରିୟାଗତ ନିଷ୍ପତ୍ତି ବ୍ୟତୀତ ଅନ୍ୟ ପ୍ରସଙ୍ଗ ଉପରେ ଭିଟୋ କରିବାର କ୍ଷମତା ରଖିଛନ୍ତି । ୧୯୪୫ରେ ସ୍ଥାପିତ ୟୁଏନଏସସିରେ ସମୁଦାୟ ୧୫ଜଣ ସଦସ୍ୟ ଥିବା ବେଳେ ଅନ୍ୟ ୧୦ ଜଣ ଅସ୍ଥାୟୀ ସଦସ୍ୟ ଭାବେ ନିର୍ବାଚିତ ହୋଇଛନ୍ତି । ଅସ୍ଥାୟୀ ସଦସ୍ୟଙ୍କ ପାଖରେ ଭିଟୋ କ୍ଷମତା ରହିଛି । ଭାରତ ଏକ ଅସାଧାରଣ ରାଷ୍ଟ୍ର କାରଣ ଏହାର ସଭ୍ୟତା ଅତି ପ୍ରାଚୀର ଓ ମହାନ । ଏଭିଳ ଦେଶ ବିଶ୍ବ ସ୍ତରରେ ନିଜର ସାଂସ୍କୃତିକ ଶକ୍ତିର ସମ୍ପୂର୍ଣ୍ଣ ଉପଯୋଗ କଲେ ହିଁ ପ୍ରଭାବ ପ୍ରୟୋଗ କରିବ । ଚାପଗ୍ରସ୍ତ ଜୀବନଶୈଳୀ କିମ୍ବା ବାରମ୍ବାର ଜଳବାୟୁ ଘଟଣା ସହ ଲଢୁଥିବହା ବିଶ୍ବରେ ଭାରତର ଐତିହ୍ୟରୁ ଅନେକ କିଛି ଶିଖିବାର ଅଛି ବୋଲି କହିଛନ୍ତି ଜୟଶଙ୍କର ।
