ନୂଆଦିଲ୍ଲୀ,୨୩/୧୨: ୭୧ ହଜାର ନିଯୁକ୍ତି ପତ୍ର ବାଣ୍ଟିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶର ୪୫ଟି ସ୍ଥାନରେ ଅନୁଷ୍ଠିତ ହୋଇଥିବା ରୋଜଗାର ମେଳାରେ ୭୧ ହଜାର ନବନିଯୁକ୍ତଙ୍କୁ ନିଯୁକ୍ତିପତ୍ର ବିତରଣ କରିଛନ୍ତି ପ୍ରଧାନମନ୍ତ୍ରୀ । ଆଭାସୀରେ ନିଯୁକ୍ତି ପତ୍ର ବାଣ୍ଟିବା ସହ ନବ ନିଯୁକ୍ତଙ୍କୁ ସମ୍ବୋଧିନ କରିଛନ୍ତି । ଦେଶ ବିକାଶ ଯୁବଗୋଷ୍ଠୀଙ୍କ ମାଧ୍ୟମରେ ହୋଇଥାଏ ବୋଲି କହିଛନ୍ତି ପ୍ରଧାନମନ୍ତ୍ରୀ ।
ନିଯୁକ୍ତି ପତ୍ର ବାଣ୍ଟିବା ସହିତ ନବନିଯୁକ୍ତଙ୍କୁ ସମ୍ବୋଧନ କରି ପ୍ରଧାନମନ୍ତ୍ରୀ କହିଛନ୍ତି, ଜୀବନର ଏକ ନୂଆ ଆରମ୍ଭ କରିବାକୁ ଯାଉଛ । ବର୍ଷ ବର୍ଷର ପରିଶ୍ରମ ସଫଳ ହୋଇଛି । ସ୍ବପ୍ନ ସାକାର ହୋଇଛି । ୨୦୨୪ ତୁମକୁ ଓ ତୁମ ପରିବାକୁ ଖୁସି ଦେଇଛି । ସମସ୍ତଙ୍କୁ ଅଭିନନ୍ଦନ । ଭାରତୀୟ ୟୁଥଙ୍କ ସାମର୍ଥ୍ୟ ଓ ପ୍ରତିଭାର ଉପଯୋଗ ଆମ ସରକାରର ପ୍ରଥମ ପ୍ରାଥମିକତା । ରୋଜଗାର ମେଳା ଜରିଆରେ ଏହି ଦିଗରେ କାର୍ଯ୍ୟ ହେଉଛି । ୧୦ ବର୍ଷ ହେବ ଏହି ଅଭିଯାନ ଚାଲିଛି । ଆଜି ୭୧ ହଜାରରୁ ଅଧିକ ଯୁବଗୋଷ୍ଠୀଙ୍କୁ ନିଯୁକ୍ତି ପତ୍ର ପ୍ରଦାନ କରାଯାଇଛି । ଗତ ୨ ବର୍ଷ ମଧ୍ୟରେ ୧୦ ଲକ୍ଷରୁ ଅଧିକ ଯୁବଗୋଷ୍ଠୀ ସରକାରୀ ଚାକିରି ପାଇଛନ୍ତି ଯାହା ଏକ ରେକର୍ଡ । ପୂର୍ବ ସରକାରଙ୍କ ସମୟରେ ମିଶନ ମୋଡରେ ଏପରି କାମ ହୋଇନାହିଁ । ଏହି ନିଯୁକ୍ତି ସମ୍ପୂର୍ଣ୍ଣ ସଚ୍ଚୋଟ ଓ ପାରଦର୍ଶିତାର ସହ ପ୍ରଦାନ କରାଯାଇଛି । ସମସ୍ତେ ନିଷ୍ଠାର ସହ ରାଷ୍ଟ୍ରର ସେବାରେ ଯୋଡି ହେଉଛନ୍ତି । ଦେଶ ବିକାଶ ଯୁବଗୋଷ୍ଠୀଙ୍କ ପରିଶ୍ରମ, ସମାର୍ଥ୍ୟ ଓ ନେତୃତ୍ବରେ ହୋଇଥିଲା ।
#WATCH | Prime Minister Narendra Modi says "Today is also the birth anniversary of Chaudhary Charan Singh ji. It is the good fortune of our government that we got the opportunity to honour Chaudhary Sahab with Bharat Ratna this year. I pay my tribute to him. We celebrate this day… pic.twitter.com/NhJJpVR2jp
— ANI (@ANI) December 23, 2024
ପ୍ରଧାନମନ୍ତ୍ରୀ ଆହୁରି କହିଛନ୍ତି, ଭାରତରେ ପ୍ରତି ନୀତି ଓ ନିର୍ଣ୍ଣୟ କେନ୍ଦ୍ରରେ ଭାରତର ପ୍ରତିଭାଶାଳୀ ୟୁଥ ରହିଛନ୍ତି । ଦେଶର ଅନେକ ଯୋଜନାକୁ ଦେଖନ୍ତୁ ଯେପରି ଷ୍ଟାର୍ଟଅପ ଇଣ୍ଡିଆ, ଡିଜିଟାଲ ଇଣ୍ଡିଆ, ମେକ୍ ଇନ୍ ଇଣ୍ଡିଆ, ଆତ୍ମନିର୍ଭର ଭାରତ ଅଭିଯାନ ସବୁକୁ ଯୁବଗୋଷ୍ଠୀଙ୍କୁ ଆଖିରେ ରଖି ତିଆରି ହୋଇଛି । ଭାରତ ତାର ସ୍ପେସ ସେକ୍ଟରରେ ନୀତି ବଦଳେଇଛି । ପ୍ରତିରକ୍ଷାରେ ମାନ୍ୟୁଫାକ୍ଚର ବଢାଇଛି ଯାହାର ଲାଭ ଭାରତର ୟୁଥଙ୍କୁ ମିଳିଛି । ଆଜି ଭାରତର ଯୁବଗୋଷ୍ଠୀ ନୂଆ ଆତ୍ମବିଶ୍ବାସରରେ ରହିଛି । ପ୍ରତି ସେକ୍ଟରରେ ସଫଳତା ହାସଲ କରିଛନ୍ତି । ଦୁନିଆର ୫ମ ଅର୍ଥନୀତି ଦେଶ ହୋଇଛି । ତୃତୀୟ ଷ୍ଟାର୍ଟଅପ ଇକୋ ସିଷ୍ଟମ ହୋଇଛି । ସବୁ ସେକ୍ଟରେ ଟ୍ରାନ୍ସପରମେସନ ହୋଇଛି । ପର୍ଯ୍ୟଟନ, ଜୈବିକ କୃଷି, ସ୍ପେସ, ପ୍ରତିରକ୍ଷା ସବୁ ସେକ୍ଟରରେ ଦେଶ ନୂଆ ଶିଖର ଛୁଇଁଛି । ଏଗ୍ରିକଲଚର ସେକ୍ଟର ୟୁଥଙ୍କୁ ବଡ ସଂଖ୍ୟାର ରୋଜଗାର ମିଳିଛି । ମନର କାମ କରିବାକୁ ସୁଯୋଗ ମିଳିଛି । ଗୋବରଧନ ଯୋଜନା ଜରିଆରେ ବିଜୁଳି ଉତ୍ପନ ସହ ହଜାର ହାଜର ୟୁଥଙ୍କୁ ରୋଜଗାର ମିଳିଛି । ଆଜି ହଜାରରୁ ଅଧିକ ମହିଳାଙ୍କୁ ନିଯୁକ୍ତି ପତ୍ର ମିଳିଛି । ସେମାନଙ୍କ ସଫଳତା ଅନ୍ୟଙ୍କୁ ପ୍ରେରଣା ଦେବ । ସବୁ କ୍ଷେତ୍ରରେ ମହିଳା ଆତ୍ମନିର୍ଭର ହୁଅନ୍ତୁ ଆମର ଲକ୍ଷ୍ୟ । ଗର୍ଭବତୀଙ୍କୁ ୨୬ ସପ୍ତାହ ଛୁଟି ନିଷ୍ପତି ଲକ୍ଷ ଲକ୍ଷ ମହିଳାଙ୍କ କ୍ୟାରିୟର ସମ୍ଭାଳିଛି । ସେମାନଙ୍କ ସ୍ବପ୍ନ ସାକାର କରିଛନ୍ତି । ଆମ ସରକାର ସମସ୍ତ ବାଧାକୁ ଦୂର କରିଛି ଯାହା ମହିଳାଙ୍କୁ ଆଗକୁ ବଢିବାକୁ ଅଟକାଉଥିଲା ।
ଆଜି (ସୋମବାର) ଦେଶର ୪୫ଟି ସ୍ଥାନରେ ନିଯୁକ୍ତି ମେଳା ଅନୁଷ୍ଠିତ ହୋଇଥିଲା । ନିଯୁକ୍ତି ସୃଷ୍ଟି କ୍ଷେତ୍ରରେ ରୋଜଗାର ମେଳା ହେଉଛି କେନ୍ଦ୍ର ସରକାରଙ୍କ ଏକ ବଳିଷ୍ଠ ପଦକ୍ଷେପ । ଏହି ମେଳା ଯୁବ ସମାଜକୁ ରାଷ୍ଟ୍ର ନିର୍ମାଣ ସହ ନିଜକୁ ଶସକ୍ତ କରିବାରେ ବିଶେଷ ଭାବେ ସହାୟକ ହେବ । ୨୦୨୨ ଅକ୍ଟୋବର ୨୨ରେ ସାରା ଦେଶରେ ରୋଜଗାର ମେଳା ଆରମ୍ଭ ହୋଇଥିଲା । ସରକାରଙ୍କ ବିଭିନ୍ନ ମନ୍ତ୍ରଣାଳୟ ଏବଂ ବିଭାଗ ଲାଗି ଏହି ମେଳା ଅନୁଷ୍ଠିତ ହେଉଛି । ନବ ନିଯୁକ୍ତମାନେ କେନ୍ଦ୍ର ସରକାରଙ୍କ ସୌରାଷ୍ଟ୍ର ମନ୍ତ୍ରଣାଳୟ, ଡାକ ବିଭାଗ, ଉଚ୍ଚ ଶିକ୍ଷା, ସ୍ୱାସ୍ଥ୍ୟ, ଅର୍ଥ ସହ ଅନ୍ୟ ପ୍ରମୁଖ ବିଭାଗରେ କାର୍ଯ୍ୟ କରିବେ ।
