ନୂଆଦିଲ୍ଲୀ,୦୬/୦୨: ନାଗପୁରରେ ଭାରତ-ଇଂଲଣ୍ଡ ପ୍ରଥମ ଦିନିକିଆ । ଟସ୍ ଜିତି ଇଂଲଣ୍ଡର ବ୍ୟାଟିଂ ନିଷ୍ପତି । ତେବେ ଟିମ୍ ଇଣ୍ଡିଆ ପ୍ରଥମେ ବୋଲିଂ କରିବ । ଦିନିକିଆରେ ଭାଗ ନେବେନି ଷ୍ଟାର ବ୍ୟାଟର ବିରାଟ କୋହଲି । ଭାରତୀୟ ଦଳରେ ଦୁଇ ଯୁବ ତାରକା ଡେବ୍ୟୁ କରୁଛନ୍ତି । ହର୍ଷିତା ରାଣା, ଜଶସ୍ବୀ ଜୈସଓ୍ବାଲଙ୍କୁ ମିଳିଛି ଓ୍ବାନଡେ ଇଣ୍ଟରନ୍ୟାସନାଲ୍ କ୍ୟାପ୍ ।
ତେବେ ଭାରତ ଏହା ପୂର୍ବରୁ ଟି-୨୦ ସିରିଜରେ ଇଂଲଣ୍ଡକୁ ୪-୧ ରେ ହରାଇଥିଲା । ଏବେ ଭାରତର ନଜର ଦିନିକିଆ ସିରିଜର ଜିତିବା ଉପରେ । କ୍ୟାପଟେନ ରୋହିତ୍ ଶର୍ମା ଓ ବିରାଟ କୋହଲିଙ୍କ ଭଳି ଗତ କିଛି ସମୟ ଧରି ରନ୍ ବନେଇବାକୁ ଚେଷ୍ଟା କରୁଥିବା ବେଳେ ବର୍ତ୍ତମାନ ତାଙ୍କର ଖେଳ ଉପରେ ସମସ୍ତଙ୍କର ନଜର । ଟି-୨୦ ସିରିଜ ଜିତିବା ପରେ ଦିନିକିଆ ଶୃଙ୍ଖଳା କବଜା କରିବା ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ । ସେପଟେ ଇଂଲଣ୍ଡ ମଧ୍ୟ ଟି-୨୦ର ବଦଲା ଦିନିକିଆରେ ନେବା ପ୍ରସ୍ତୁତ ହୋଇଛି । ଫେବ୍ରୁଆରୀ ୧୯ରେ ଆଇସିସି ଚାମ୍ପିଅନ୍ସ ଟ୍ରଫି ଆରମ୍ଭ ହେଉଥିବାରୁ ଏହି ସିରିଜ୍ ଉଭୟ ଦଳ ପାଇଁ ଏକ ଓ୍ବାର୍ମ-ଅପ୍ ବୋଲି କ୍ରିକେଟ୍ ବିଶେଷଜ୍ଞ କହିଛନ୍ତି । ଇଂଲଣ୍ଡ ବିରୋଧରେ ଟି-୨୦ ସିରିଜରେ ସାନଦାର୍ ପ୍ରଦର୍ଶନ କରିବା ଯୋଗୁଁ ସ୍ପିନର ବରୁଣ ଚକ୍ରବର୍ତ୍ତୀଙ୍କୁ ଭାରତୀୟ ଟିମରେ ସାମଲ କରାଯାଇଛି ।
