ମୟୂରଭଞ୍ଜ,୨୦/୦୯: ଶିମିଳିପାଳରେ ମାଈ ହାତୀର ମୃତଦେହ ଠାବ । ହାତୀଟିର ମୃତ୍ୟୁର କାରଣ ଅସ୍ପଷ୍ଟ ରହିଛି । ବାଙ୍ଗିରିପୋଷି ରେଞ୍ଜ ଅଧୀନ ବାଲିଆଢିପା ନିକଟରେ ଏଭଳି ଅଭାବନୀୟ ଘଟଣା ଘଟିଛି । 

ସୂଚନା ମୁତାବକ, କିଛି ଦିନ ତଳେ ଅର୍ଥାତ ସେପ୍ଟେମ୍ବର ୯ ତାରିଖରେ ଶିମିଳିପାଳରେ ଏକ ହାତୀ ଛୁଆ ପ୍ରାଣ ହରାଇଥିଲା । ଏହି ଘଟଣାର କିଛି ଦିନ ପରେ ପୁଣି ଏକ ମାଈ ହାତୀର ମୃତ୍ୟୁ ହୋଇଛି । ଏନେଇ ବନବିଭାଗ ଅଧିକାରୀଙ୍କୁ ଖବର ମିଳିବା ପରେ ଘଟଣାସ୍ଥଳରେ ପହଞ୍ଚିଥିଲେ । ସେଠାରେ ପହଞ୍ଚି ହାତୀର ମୃତଦେହକୁ ଉଦ୍ଧାର କରିଥିଲେ ।

ତେବେ ହାତୀଟିର ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ହାତୀର ମୃତ୍ୟୁ କେବେ ହୋଇଛି, ତାହାକୁ ନେଇ କୌଣସି ସୂଚନା ମିଳିପାରିନାହିଁ । ହାତୀଟିର ମୃତ୍ୟୁର କାରଣ ଖୋଜି ଘଟଣାର ତଦନ୍ତ କରୁଛି ବନବିଭାଗ ।