କପ୍ତିପଦା, ୧୪।୯ : କପ୍ତିପଦା ବନବିଭାଗ ଶରତ କଟୁରିଆ ବିନ୍ଧାଣୀ ସାହି ଅଂଚଳରେ ଚଢାଉ କରି ୨୫ କେଜି ସମ୍ବର ମାଂସ ଜବତ କରିବା ସହ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଜଣକ ହେଲେ ଗ୍ରାମର ଚୈତନ୍ୟ ମୁର୍ମୁ।  ତାଙ୍କ ନିକଟରୁ ଦେଶୀ ବନ୍ଧୁକ, ଧନୁତୀର ବନବିଭାଗ  ଜବତ କରିଛି।

କପ୍ତିପଦା ବନବିଭାଗ ଶରତ କଟୁରିଆ ବିନ୍ଧାଣୀ ସାହି ଅଞ୍ଚଳରେ ଶିକାରୀମାନେ ଏକ ସମ୍ବର ଶିକାର କରି ଆଣିଥିବା  ବନବିଭାଗ ଖବର ପାଇଥିଲା। ବିନ୍ଧାଣୀ ସାହି ଅଞ୍ଚଳରେ ଚଢାଉ କରି ଚେତନ୍ୟଙ୍କ ଘରୁ  ୨୫ କେଜି ସମ୍ବର ମାଂସ ଜବତ କରିଥିଲା। ଚେତନ୍ୟଙ୍କୁ ଗିରଫ କରିବା ସହ ତାଙ୍କ ନିକଟରୁ ବନ୍ଧୁକ ଓ ଧନୁତୀର ଜବତ କରିଥିଲେ।  ପଚରାଉଚରା ବେଳେ ଏଥିରେ ସମ୍ପୃକ୍ତ ଅନ୍ୟମାନଙ୍କ ନାମ କହିଥିଲା। ଖୁବ ଶୀଘ୍ର ସେମାନଙ୍କୁ ଗିରଫ କରାଯିବ ବୋଲି ବନ ବିଭାଗ କହିଛି।