ବାରିପଦା,୧୫/୦୯: ବାରିପଦା ସହର ଉପକଣ୍ଠରେ ଦୁଇଟି ପୃଥକ୍ ପୃଥକ୍ ସ୍ଥାନରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି l  ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଛନ୍ତି । ବାରିପଦା ଲୁଲୁଂ ରାସ୍ତାର ଖସାଡ଼ିହା ଠାରେ ହୋଇଥିବା ବୋଲେରୋ ଦୁର୍ଘଟଣାରେ ମୃତକ ମାନେ ହେଲେ କୁଲିଆନା ବଡ କୁଲଡିହା ଅଞ୍ଚଳର ଭୁବନ କୁମାର ସିଂ(୪୮) ଏବଂ ବେତନଟୀ ଅଞ୍ଚଳର ଜୟନ୍ତ କୁମାର ସିଂ l ସେହିପରି ପାଲବଣୀ ନିକଟରେ ୧୮ ନମ୍ୱର ଜାତୀୟ ରାଜପଥରେ ଘଟିଥିବା ସଡ଼କ ଦୁର୍ଘଟଣାରେ ମୃତକମାନେ ହେଲେ ସଦର ଥାନା ଅନ୍ତର୍ଗତ ହରିଶ୍ଚନ୍ଦ୍ରପୁରର ମିଟୁ ମହାନ୍ତ (୨୪) ଏବଂ ସିନ୍ଦୂର ଗୌରା ଗ୍ରାମର ବିକାଶ ମହାନ୍ତ l 

ସୂଚନା ମୁତାବକ, ଶନିବାର ବିଳମ୍ୱିତ ରାତିରେ ବାରିପଦା ସହର ଉପକଣ୍ଠ ପାଲବଣି ୧୮ନମ୍ୱର ଜାତୀୟ ରାଜପଥରେ ବୁଲେଟ୍‌କୁ ଏକ ଅଜଣା ଗାଡି ଧକ୍କା ଦେଇଥିଲା । ଏହି ଦୁର୍ଘଟଣାରେ ଦୁଇ ଜଣ ପ୍ରାଣ ହରାଇଥିଲେ । ଏହା ଦେଖି ସ୍ଥାନୀୟଲୋକେ ପୋଲିସକୁ ଖବର ଦେଇଥିଲେ। ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ପୋଲିସ । 

ଅନ୍ୟପଟେ ବାରିପଦା-ଲୁଲୁଙ୍ଗ ରାସ୍ତାର ଖସାଡିହା ଠାରେ ଭାରସାମ୍ୟ ହରାଇ ଏକ ବୋଲେରୋ ଦୁର୍ଘଟଣା ହୋଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ ବୋଲେରୋଟି ସମ୍ପୂର୍ଣ୍ଣ ଛିନଛତ୍ର ହୋଇ ଯାଇଛି । ଏହି ଦୁର୍ଘଟଣାରେ ୨ ଜଣ ପ୍ରାଣ ହାରାଇବା ସହ ଅନ୍ୟ ୩ ଯାତ୍ରୀ ଗୁରୁତର ଆହତ ହୋଇଥିଲେ । ଏହା ଦେଖି ସ୍ଥାନୀୟଲୋକେ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ପୋଲିସ । ତେବେ ସମସ୍ତ ମୃତଦେହ ପିଆରଏମ ମେଡିକାଲ ଓ ହସ୍ପିଟାଲରେ ବ୍ୟବଚ୍ଛେଦ ପାଇଁ ରଖାଯାଇଛି ।