କରଞ୍ଜିଆ,୧୪/୦୯: ନିଲମ୍ବିତ ହେଲେ କରଞ୍ଜିଆ ଉପ କାରାଗାରର ଜେଲ୍ ୱାର୍ଡର ସ୍ୱାଗତ ରଥ । ଜେଲ୍ ମାନୁଆଲକୁ ଉଲଙ୍ଘନ କରି ଜେଲ୍ ଭିତରକୁ ମୋବାଇଲ୍ ନେବା ଓ କାର୍ଯ୍ୟରେ ଅବହେଳା ଯୋଗୁଁ ନିଲମ୍ବିତ କଲେ ବାରିପଦା ସର୍କଲ୍ ଜେଲ୍ର ବରିଷ୍ଠ ଜେଲ୍ ଅଧିକ୍ଷକ । ମୟୁରଭଞ୍ଜ ଜିଲ୍ଲା କରଞ୍ଜିଆ ଉପ କାରାଗାରରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଜେଲ୍ ମାନୁଆଲକୁ ଉଲଙ୍ଘନ କରି କ୍ଷମତାର ଅପବ୍ୟବହାର କରିଥିଲେ । କାର୍ଯ୍ୟରେ ଅବହେଳା ଯୋଗୁଁ ନିଲମ୍ବିତ କଲେ ବାରିପଦା ସର୍କଲ୍ ଜେଲର ବରିଷ୍ଠ ଜେଲ୍ ଅଧିକ୍ଷକ । ନିଲମ୍ବିତ ପରେ ତାଙ୍କୁ ବାଲେଶ୍ଵର ଜିଲ୍ଲା କାରାଗାର ମୂଖ୍ୟାଳୟରେ ଯୋଗ ଦେବାକୁ ନିର୍ଦ୍ଦେଶ ଦିଆଯାଇଛି ।
ଗତ ଅଗଷ୍ଟ ୩୦ ତାରିଖରେ ଜେଲ୍ ଭିତର ସହକାରୀ ସବ୍ ଜେଲର ୱାର୍ଡର ସ୍ୱାଗତ ରଥ ଜେଲ୍ ମାନୁଆଲକୁ ଉଲଙ୍ଘନ କରିଥିଲେ । ପରେ ଏହାକୁ ନେଇ ତଦନ୍ତ କରି ବାରିପଦା ସର୍କଲ୍ ଜେଲର ବରିଷ୍ଠ ଜେଲ୍ ଅଧିକ୍ଷକ ଜେଲ୍ ୱାର୍ଡର ସ୍ବାଗତ ରଥଙ୍କୁ ନିଲମ୍ବିତ କରିଛନ୍ତି ।