ନ୍ୟୁୟର୍କ: ଟି-୨୦ ବିଶ୍ଵକପ୍ ୨୦୨୪ର ନିଜର ପ୍ରଥମ ମୁକାବିଲାରେ ଭାରତୀୟ ବୋଲର କମାଲ କରିଛନ୍ତି। ପ୍ରଥମେ ବ୍ୟାଟିଂ କରିଥିବା ଆୟରଲାଣ୍ଡ ବ୍ୟାଟର ଭାରତୀୟ ବୋଲରଙ୍କ ଘାତକ ବୋଲିଂର ଶିକାର ହୋଇଛନ୍ତି । ୧୬ ଓଭରରେ ୯୬ ରନରେ ଅଲଆଉଟ୍ ହୋଇଛି ଆୟରଲାଣ୍ଡ । କୌଣସି ବ୍ୟାଟର ଅର୍ଦ୍ଧଶତକ କରି ପାରି ନାହାନ୍ତି। ଦଳ ପକ୍ଷରୁ ଗେରେଥ ଡେଲାନି ଅପରାଜିତ ସର୍ବାଧିକ ୨୬ ରନ କରିଛନ୍ତି। ଜୋସୁଆ ଲିଟିଲ୍(୧୪) ଦ୍ଵିତୀୟ ସର୍ବାଧିକ ରନ ସ୍କୋର କରିଛନ୍ତି।
ବୋଲିଂରେ ଭାରତ ପକ୍ଷରୁ ହାର୍ଦ୍ଦିକ ପାଣ୍ଡ୍ୟା ୨୭ ରନ ଦେଇ ସର୍ବାଧିକ ୩ ଟି ଓ୍ବିକେଟ ନେଇଛନ୍ତି । ଯଶପ୍ରୀତ ବୁମରା ଓ ଅର୍ଶଦୀପ ସିଂ ୨ଟି ଲେଖାଏଁ ଓ୍ଵିକେଟ୍ ଅକ୍ତିଆର କରିଛନ୍ତି। ଟସ୍ ହାରି ପ୍ରଥମେ ବ୍ୟାଟିଂ କରିଥିବା ଆୟରଲାଣ୍ଡ ଆରମ୍ଭରୁ ନିୟମିତ ଓ୍ଵିକେଟ୍ ହରାଇ ବ୍ୟାଟିଂ ବିପର୍ଯ୍ୟୟ ଭୋଗିଥିଲା। ଦଳର କୌଣସି ବ୍ୟାଟର ଭାରତୀୟ ବୋଲରଙ୍କ ମୁକାବିଲା କରି ପାରି ନଥିଲେ।
ଦୁଇ ଓପନର ଆଣ୍ଡ୍ର୍ୟୁ ବଲବର୍ଣ୍ଣିଏ(୫) ଓ ପଲ୍ ଷ୍ଟିୟର୍ଲିଂ(୨) ଆଉଟ୍ ହୋଇଥିଲେ। ମଧ୍ୟକ୍ରମରେ ଲୋରକାନ ଟକର(୧୦), ହାରି ଟେକ୍ଟର(୪), କର୍ଟିସ କ୍ୟାମ୍ପର(୧୨) ବିଫଳ ହୋଇଥିଲେ। ତେବେ ଗେରେଥ ଡେଲାନି ୧୪ ବଲରୁ ଦ୍ରୁତ ବ୍ୟାଟିଂ କରି ଅପରାଜିତ ୨୬ ରନ କରି ଅପରାଜିତ ଅଛନ୍ତି। ତାଙ୍କର ଏହି ବ୍ୟାଟିଂ ଯୋଗୁଁ ଆୟରଲାଣ୍ଡ ୯୬ ରନ କରିପାରିଛି। ଜୋସୁଆ ଲିଟିଲ୍ ୧୪ ରନ କରିଛନ୍ତି। ଭାରତ ଆଗରେ ରହିଛି ୯୭ ରନ୍ ଟାର୍ଗେଟ୍ ।
