ବାଲେଶ୍ଵର, ୦୯/୦୧ : ବାଲେଶ୍ଵର ଷ୍ଟେସନ ଛକ ନିକଟରେ ମହିଳାଙ୍କୁ ଛୁରାମାଡ଼। ଓଡ଼ିଶା କମ୍ୟୁନିକେଶନ ନିକଟରେ ମହିଳାଙ୍କୁ ଛୁରାମାଡ଼ କରି ସ୍ଵାମୀ ଫେରାର୍। ମହିଳାଙ୍କ ବେକ ଓ ହାତରେ ଆଘାତ ଲାଗିଛି। ତାଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ସୂଚନାନୁଯାୟୀ, ବାଲେଶ୍ଵର ଷ୍ଟେସନ ଛକ ନିକଟ ଓଡ଼ିଶା କମ୍ୟୁନିକେଶନ ନିକଟରେ ଜଣେ ମହିଳାଙ୍କୁ ଛୁରାମାଡ଼ ହୋଇଛି। ମହିଳାଙ୍କୁ ତାଙ୍କ ସ୍ଵାମୀ ଛୁରାମାଡ଼ କରି ଫେରାର୍ ହୋଇଯାଇଛନ୍ତି। ମହିଳାଙ୍କ ହାତ ଓ ବେକରେ ଆଘାତ ଲାଗିଛି। ସହଦେବଖୁଣ୍ଟା ଥାନା ପୁଲିସ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛି।
ସ୍ଵାମୀ-ସ୍ତ୍ରୀଙ୍କ ମଧ୍ୟରେ କଳହ ଲାଗି ରହିଥିଲା। ଛାଡପତ୍ର ପାଇଁ କୋର୍ଟରେ କେସ୍ ଚାଲିଥିଲା। ଆଜି ଉକ୍ତ ମହିଳାଙ୍କୁ ତାଙ୍କ ସ୍ଵାମୀ ଡକାଇଥିଲେ। ଉଭୟଙ୍କ ମଧ୍ୟରେ କିଛି ସମୟ ଯୁକ୍ତିତର୍କ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ସ୍ଵାମୀ ସ୍ତ୍ରୀ ଉପରକୁ ଛୁରାମାଡ଼ କରିଥିଲେ।
