ରାୟଗଡା, ୯।୧ : ରାୟଗଡା ସହର ଉପକଣ୍ଠରେ ଥିବା ନାଗାବଳୀ ନଦୀରେ ଅଘଟଣ। ନଦୀରେ ବୁଡି ଯାଇ ୨ ଛାତ୍ରଙ୍କ ମୃତ୍ୟୁ ହୋଇଛି। ମୃତ ୨ ଛାତ୍ର ହେଲେ ଶ୍ରୀନୁ କୁମାର ଯାଦବ ଓ ସିଏଚ. ଭାଗ୍ରଭ ଚରଣ। ଉଭୟ ଦୀପ୍ତି କନଭେଣ୍ଟ ସ୍କୁଲର ଷଷ୍ଠ ଶ୍ରେୀର ଛାତ୍ର ।
ଘରେ କାହାକୁ ନକହି ୪ ଜଣ ସାଙ୍ଗ ଝୁଲା ପୋଲକୁ ବୁଲିବାକୁ ଆସିଥିଲେ । ଖେଳୁଥିବା ବେଳେ ବଲ୍ ପାଣିରେ ପଡିଯାଇଥିଲା । ଜଣେ ବଲ ଆଣିବାକୁ ଯାଇ ବୁଡିଯିବା ପରେ ଅନ୍ୟ ଜଣେ ଉଦ୍ଧାର କରିବାକୁ ଯାଇ ବୁଡିଯାଇଥିଲା। ଖବର ପାଇ ଦମକଳ ବାହିନୀ ପହଞ୍ଚି ଦୁଇ ଛାତ୍ରଙ୍କ ମୃତଦେହ ଉଦ୍ଧାର କରିଛି। ଘଟଣା ଘଟିବା ପରେ ଟାଉନ୍ ଥାନା ପୁଲିସ ତଦନ୍ତ ଜାରି ରଖିଛି। । ଝୁଲା ପୋଲ ନିକଟରେ ଏହିଭଳି ଘଟଣା ନିୟମିତ ଘଟୁଛି।
