ଫିରିଙ୍ଗିଆ,୨୫l୭ : ରାଜ୍ୟରେ ଲଘୁଚାପ ପ୍ରଭାବରେ ତୁହାକୁତୁହା ବର୍ଷା ଲାଗି ରହିଛି। କନ୍ଧମାଳ ଜିଲ୍ଲାରେ ମଧ୍ୟ ପାଞ୍ଚଦିନ ହେବ ଅବିଶ୍ରାନ୍ତ ବର୍ଷା ଲାଗିରହିଛି। ସାଧାରଣ ଜନଜୀବନ ବ୍ୟାହାତ ହୋଇଛି। ଜିଲ୍ଲାର ଅନେକ ସ୍ଥାନରେ ନଦୀନାଳମାନଙ୍କରେ ବର୍ଷାପାଣି ପ୍ରବାହିତ ହେଉଥିବାରୁ ଅନେକ ଗାଁ ଏବେ ବାହ୍ୟଜଗତରୁ ବିଛିନ୍ନ ହୋଇପଡିଛି। ଏହି ପରିପ୍ରେକ୍ଷୀରେ ଫିରିଙ୍ଗିଆ ବ୍ଲକରେ ମଧ୍ୟ ବର୍ଷା ଲାଗିରହିଥିବା ବେଳେ ଅନେକ କ୍ଷୟକ୍ଷତି ଘଟିଛି।
ସୂଚନା ଅନୁସାରେ, କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ପାଙ୍ଗା ଉପର ସାହି ପଞ୍ଚାୟତ ଡେଡି ସରୁ ଗ୍ରାମର ମିଟୁ ବଗର୍ତ୍ତି ସ୍ତ୍ରୀ ଓ ୨ ଛୁଆଙ୍କୁ ନେଇ ଏକ ଝାଟିମାଟି କୁଡ଼ିଆରେ ଦିନ କାଟୁଥିଲେ ।ଜଙ୍ଗଲରୁ କାଠ ସଂଗ୍ରହ କରି ସେଥିରେ ଘର ତିଆରି କରି ନିଜ ପରିବାର ପାଇଁ ଆଶ୍ରୟସ୍ଥଳୀଟେ ଗଢିଥିଲେ। ଘରଟି ଉଭୟ ଛାଉଣୀ ଓ କାନ୍ଥ ଇଟାରେ ତିଆରି ହୋଇଥିଲା। ହେଲେ ଲଘୁଚାପ ବର୍ଷା ହେବାରୁ ବୁଧବାର ରାତି ପ୍ରାୟ ୧୧ଟାରେ ଘର କାନ୍ଥ ଭୁଶୁଡ଼ି ଛପର ଉଡ଼ି ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ରାତିରେ ସମସ୍ତେ ଶୋଇଥିବା ବେଳେ ଘରଟି ଭୁଶୁଡ଼ି ପଡିଛି। ତେବେ ପାଞ୍ଚ ପ୍ରାଣୀ ଅଳ୍ପକେ ବର୍ତ୍ତି ଯାଇଛନ୍ତି। କାହାର କିଛି କ୍ଷୟକ୍ଷତି ହୋଇନଥିବା ଜଣାପଡ଼ିଛି। ପରିବାରର ପାଞ୍ଚ ସଦସ୍ୟ ସମ୍ପୂର୍ଣ୍ଣ ବାସହରା ହୋଇ ପର ପିଣ୍ଡାରେ ରାତି କାଟୁଛନ୍ତି।ପ୍ରଶାସନ ଏହି ନିରାଶ୍ରୟ ପରିବାରର ଯଥାଶୀଘ୍ର ଥଇଥାନ କରିବାକୁ ଗ୍ରାମବାସୀ ଦାବି କରିଛନ୍ତି।