ମାଲକାନଗିରି/ କାଲିମେଳା, ୧୩।୯ : ଗତ ତିନିଦିନ ହେଲା ସମଗ୍ର ମାଲକାନଗିରି ଜିଲ୍ଲାରେ ଲଗାଣ ବର୍ଷା ଲାଗିରହିଛି।ଏହି ଲଗାଣ ବର୍ଷାରେ ଘର ଭାଙ୍ଗି ଟାଇଲ ଛପର ତଳେ ଚାପି ହୋଇ ଆହତ ହୋଇଛନ୍ତି ଆଦିବାସୀ ଦମ୍ପତି। ଘଟଣା ସ୍ଥଳରେ ଅନ୍ୟମାନେ ପହଞ୍ଚି   ସେମାନଙ୍କୁ ଉଦ୍ଧାର  କରିଥିଲେ। ଏହି ପରି ଅଭାବନୀୟ ଘଟଣା ଘଟିଛି ମାଲକାନଗିରି ଜିଲ୍ଲା କାଲିମେଳା ବ୍ଲକସ୍ଥ ବଡ଼ିଗେଟl ପଞ୍ଚାୟତ ଅନ୍ତର୍ଗତ ଟେକଗୁଡା ବି ଗ୍ରାମରେ l  

 ସନା ମାଡକାମୀ(୪୭) ଓ ତାଙ୍କ ପତ୍ନୀ ଦେବେ ମାଡକାମୀ(୪୫)ନିଜ ଘରେ ମଙ୍ଗଳବାର ରାତ୍ର ରେ ଶୋଇଥିବା ବେଳେ ଲଗାଣ ବର୍ଷାରେ ହଠାତ ମାଟି କାନ୍ଥ ନିର୍ମିତ ଟାଇଲ ଛପର ଘରଟି  ଭୁଶୁଡି ପଡିଥିଲା।  ସନାଙ୍କ ଉପରେ ଘରର ମଝି ରୁଆ ଟି ତାଙ୍କ ଅଣ୍ଟା ଉପରେ ପଡି ଚାପି ହୋଇ ରହି  ଥିଲା ତାଙ୍କ ପତ୍ନୀ ଟାଇଲ ଓ କାନ୍ଥତଳେ ଚାପି ହୋଇ ଚିତ୍କାର କରି ଥିଲେ l  ଅନ୍ୟ ଏକ  ଘରେ ବଡ଼ ପୁଅ ଦେବା ଏବଂ ସାନ ପୁଅ ଇନ୍ଦ୍ର ବାପା ଓ ମାଙ୍କର ର ଚିତ୍କାର ଶୁଣି ପହଞ୍ଚିବା ସହ ପଡୋଶୀ ମାନେ  ପହଞ୍ଚି ଟାଇଲ ଗୁଡିକ କାଢି ଦୁଇ ଜଣଙ୍କୁ ଉଦ୍ଧାର କରିଥିଲେ l ଦମ୍ପତିଙ୍କୁ ତୁରନ୍ତ କାଲିମେଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ  ପରିବାର ଲୋକେ  ନେଇ ଯାଇଥିଲେ। 

ଆହୁରି ପଢନ୍ତୁ : ପ୍ରାଥମିକ ଶିକ୍ଷକଙ୍କ ଆନ୍ଦୋଳନ : ଆଜିଠୁ ସମୂହ ଛୁଟିରେ ଗଲେ ସମସ୍ତ ଶିକ୍ଷକ ଶିକ୍ଷୟିତ୍ରୀ