ସୁନ୍ଦରଗଡ, ୦୯/୧୨: ବିଳମ୍ୱିତ ରାତିରେ ଭୟାବହ ଅଗ୍ନିକାଣ୍ଡ । ସଟ୍ ସର୍କିଟ୍ ହୋଇ ଜଳିଗଲା ୪ ସ୍କୁଟି ଏବଂ ଗୋଟିଏ ବାଇକ୍ ସହ ସାଇକେଲ । ସୁନ୍ଦରଗଡ ଜିଲ୍ଲା ସରକାରୀ ମହାବିଦ୍ୟାଳୟ ରାସ୍ତାରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ସରକାରୀ ମହାବିଦ୍ୟାଳୟ ରାସ୍ତାରେ ଜଣକ ଘରେ ବିଳମ୍ୱିତ ରାତିରେ ଏକ ଓଲା କମ୍ପାନୀର ବ୍ୟାଟେରୀ ଗାଡିକୁ ତାର ମାଲିକ ଚାର୍ଜରେ ବସାଇ ଶୋଇ ପଡ଼ିଥିଲେ । ଏହି ସମୟରେ ପ୍ରଥମେ ବ୍ୟାଟେରୀ ସ୍କୁଟିଟି ଜଳି ଯାଇଥିଲା । ପରେ ପାଖରେ ଥିବା ଆଉ ୩ଟି ସ୍କୁଟି ଏବଂ ଏକ ବାଇକ୍ ସହ ଏକ ସାଇକେଲ ମଧ୍ୟ ଜଳି ଯାଇଥିଲା । ଗାଡ଼ିଗୁଡ଼ିକ ଜଳୁଥିବା ଦେଖି ସେହି ରାସ୍ତାରେ ଯାଉଥିବା ଜଣେ ଗାଡ଼ିର ଡ୍ରାଇଭର ସେଠାରେ ଅଟକି ପ୍ରଥମେ ଘର ମାଲିକଙ୍କୁ ଖବର ଦେଇଥିଲେ । ଏହା ସହ ଅଗ୍ନିଶମ ବାହିନୀକୁ ମଧ୍ୟ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀର କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲା । ବ୍ୟାଟେରୀ ଗାଡ଼ିର ଚାର୍ଜ ସମୟରେ ସଟ୍ ସର୍କିଟ୍ ହୋଇ ଏହି ଅଘଟଣ ଘଟିଥିବା କୁହାଯାଉଛି । ଏହି ଅଗ୍ନିକାଣ୍ଡରେ ଘରର ଆଉ କିଛି କ୍ଷତି ହୋଇନଥିବା ଜଣା ପଡିଛି ।
