ବଣାଇ,୧୫/୧୨: ମୁଣ୍ଡା ସାହିର ଘରୁ ଟାଣି ଆଣି ଦୁଇ ଶିଶୁଙ୍କୁ ଦଳିଦେଲା ଦନ୍ତା ହାତୀ । ଜଣେ ୧୨ ବର୍ଷର ଏବଂ ଆଉ ଜଣେ ତିନି ବର୍ଷର ଶିଶୁଙ୍କ ମୃତ୍ୟୁ । ସୁନ୍ଦରଗଡ଼ ଜିଲ୍ଲା ତାମଡା ରେଞ୍ଜର କଣ୍ଟାପାଲି ଗ୍ରାମର ମୁଣ୍ଡା ସାହିରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଜଣେ ୧୨ ବର୍ଷୀୟ ଏବଂ ଆଉ ଜଣେ ତିନି ବର୍ଷୀୟ ଶିଶୁ ଘରେ ଖେଳୁଥିଲେ । ଏହି ସମୟରେ ହଠାତ୍ ହାତୀଟି ସେଠାକୁ ଆସି ଯାଇଥିଲା । ଶିଶୁ ଦ୍ୱୟଙ୍କୁ ଘରୁ ଟାଣି ଆଣି କଚାଡ଼ି ଦଳି ଦେଇଥିଲା । ଫଳରେ ଉଭୟ ଘଟଣା ସ୍ଥଳରେ ହିଁ ପ୍ରାଣ ହରାଇଥିଲେ । ଏହା ଦେଖି ତାଙ୍କ ପରିବାର ଲୋକେ ତୁରନ୍ତ ବନ ବିଭାଗର କର୍ମଚାରୀଙ୍କୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ବନ ବିଭାଗର କର୍ମଚାରୀ ପହଞ୍ଚିଥିଲେ । ସେଠାରେ ପହଞ୍ଚି ଶିଶୁଙ୍କ ମୃତଦେହ ଜବତ କରିଛନ୍ତି।
