ସୁନ୍ଦରଗଡ଼,୧୨/୧୨: ମିଶନ ରୋଡ ନିକଟ ଅଞ୍ଚଳରେ ଜଣକ ଘରେ ପଶି ଯୁବତୀଙ୍କୁ ଦୁର୍ବ୍ୟବହାର ଅଭିଯୋଗରେ ତାତିଲେ ଏକ ଗୋଷ୍ଠୀର ଲୋକେ । ୮ ଜଣ ବଙ୍ଗୀୟ ମିସ୍ତ୍ରୀଙ୍କୁ ଉଲଗ୍ନ କରି ନିର୍ଧୁମ ଛେଚିଲେ । ହାତ ବାନ୍ଧି ରାସ୍ତାରେ ଚଲାଇ ଚଲାଇ ଥାନାକୁ ଆଣିଲେ । ମାନବ ଅଧିକାର ଖୋଲା ଉଲଙ୍ଘନର ଏ ଦୃଶ୍ୟ ସହରରେ ଆଲୋଡ଼ନ ସୃଷ୍ଟି କରିଛି । ଏହି ଘଟଣାରେ ଟାଉନ ଥାନା ପୋଲିସ ୫ ଜଣ ବଙ୍ଗୀୟ ମିସ୍ତ୍ରୀଙ୍କୁ ଅଟକ ରଖିଛି । ସୁନ୍ଦରଗଡ଼ ଜିଲ୍ଲାରେ ଏଭଳି ଅଭାବନୀୟ ଘଟଣା ଘଟିଛି।
ସୂଚନା ମୁତାବକ, ଟାଉନ ଥାନା ମିଶନ ରୋଡ ନିକଟ ଅଞ୍ଚଳରେ ଜଣକ ଘରେ ପଶି ଯୁବତୀଙ୍କୁ ଦୁର୍ବ୍ୟବହାର କରିଥିଲେ କିଛି ବଙ୍ଗୀୟ ମିସ୍ତ୍ରୀ । ଏନେଇ ଅଭିଯୋଗ ହେବା ପରେ ତାତିଲେ ଏକ ଗୋଷ୍ଠୀର ଲୋକେ । ଅଭିଯୁକ୍ତ ସହିତ ସେହି ଅଞ୍ଚଳରେ କାମ କରୁଥିବା ୮ ଜଣ ବଙ୍ଗୀୟ ମିସ୍ତ୍ରୀଙ୍କୁ ଉଲଗ୍ନ କରି ପିଟିଲେ । ଏହା ପରେ ତାଙ୍କ ହାତ ବାନ୍ଧି ରାସ୍ତାରେ ଚଲାଇ ଚଲାଇ ଥାନାକୁ ଆଣିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ପହଞ୍ଚିଥିଲା । ଟାଉନ ଥାନା ପୋଲିସ ଭିଡ଼ ଭିତରୁ ମିସ୍ତ୍ରୀ ମାନଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲା । ହେଲେ ପୋଲିସକୁ ବି ଠେଲାପେଲା କଲେ ଲୋକେ । କେବଳ ସେତିକି ନୁହେଁ, ଫଟୋ ଏବଂ ଭିଡିଓ ଉତ୍ତୋଳନ କରୁଥିବା ସାମ୍ବାଦିକଙ୍କୁ ମଧ୍ୟ ଧମକ ଦେଲେ । ମାନବ ଅଧିକାରର ଖୋଲା ଉଲଙ୍ଘନର ଏ ଦୃଶ୍ୟ ସହରରେ ଆଲୋଡ଼ନ ସୃଷ୍ଟି କରିଛି । ଏହି ଘଟଣାରେ ଟାଉନ ଥାନା ପୋଲିସ ୫ ଜଣ ବଙ୍ଗୀୟ ମିସ୍ତ୍ରୀଙ୍କୁ ଅଟକ ରଖିଛି ।
