ରାଉରକେଲା, ୧୯/୧୨ : ଷ୍ଟିଲ ସିଟିରେ ପୁଣି ଲଜ୍ଜ୍ୟା । ନାବାଳିକାକୁ ଗଣ ଦୁଷ୍କର୍ମ ଅଭିଯୋଗ । ଉଦିତ ନଗର ଥାନାରେ ଗଣ ଦୁଷ୍କର୍ମ ନେଇ ଅଭିଯୋଗ ହୋଇଛି । ଗତ ୧୭ ତାରିଖ ଅପରାହ୍ନରେ ଷ୍ଟେସନ ଅଞ୍ଚଳର ବୁଲା ବୁଲି କରିଥିଲେ ନାବାଳିକା । ଖାଇବାକୁ ଦେବାକୁ କହି ଦୁଇ ଯୁବକ କୌଶଳ କ୍ରମେ ନେଇଯାଇଥିଲେ ନାବାଳିକାକୁ ।
୨୦କିଲୋମିଟର ଦୂର ବିଶ୍ରା ଅଞ୍ଚଳ ଏକ ଝାଟି ମାଟି ଘରେ ରଖି ଦୁଇ ଯୁବକ ସହ ଆଉ ଜଣେ ଯୁବକ ମୋଟ ତିନି ଜଣ ଗଣ ଦୁଷ୍କର୍ମ କରିଥିବା ଅଭିଯୋଗ ହୋଇଛି ଉଦିତ ନଗର ଥାନାରେ । ଆଜି ସକାଳେ ନାବାଳିକାଙ୍କୁ ଵିଶ୍ରା ଛକରେ ଛାଡ଼ି ଦେବା ସହ ଘଟଣା ପ୍ରଘଟ ନ କରିବାକୁ ଧମକ ଦେଇଥିଲେ ।
ପରେ ନାବାଳିକା ଜଣକ ପୋଲିସ କର୍ମଚାରୀଙ୍କ ସହାୟତାରେ ଘରେ ପହଞ୍ଚିଥିଲେ । ପରେ ପରିବାର ଲୋକଙ୍କୁ ସମସ୍ତ ଘଟଣା ବିଷୟରେ କହିଥିଲେ । ପରିବାର ଲୋକଙ୍କ ସହାୟତାରେ ନାବାଳିକା ଉଦିତ ନଗର ଥାନାରେ ଲିଖିତ ଅଭିଯୋଗ କରିବା ପରେ ଅଭିଯୁକ୍ତମାନଙ୍କୁ ଧରିବା ପାଇଁ ପୋଲିସ ତନା ଘନା କରୁଛି ।
